Kyrkjelydspedagog

Øygarden kyrkjelege fellesråd søkjer ein engasjert og relasjonssterk kyrkjelydspedagog som brenn for å gå saman med ungdom i tru, kvardag og livsmeistring.  Vi ønskjer ein medarbeidar som kan formidle evangeliet på ein relevant og truverdig måte og som ønskjer å vere med å hjelpe ungdom til å finne sin plass i fellesskapet med Jesus og i kyrkja.

Stillinga er knytt til Fjell sokn i ein 60% stilling frå hausten 2026 av, og vil aukast til 70% frå 01.01.27.

Saman med gode medarbeidarar vil du som kyrkjelydspedagog få jobbe med å dele tru, håp og kjærleik med tweens og ungdom i Øygarden. Relasjonsbygging og god formidlingsevne er grunnleggjande. Kreativitet og strategisk blikk for korleis arbeidet kan vidareutviklast og nå fleire, vil vere viktig.

Fjell sokn har  om lag 7000 medlemmer.  Kyrkjelyden sin visjon er:  «Ei kyrkje for alle.»  I  sokneteamet i Fjell vil du saman med andre medarbeidarar - organist, kyrkjetenar, kyrkjelydspedagog, diakoniarbeidar og sokneprest – utgjere den lokale staben.  Du vil også vere ein del av fagseksjonen «Seksjon for barn og unge», der pedagogar og ungdomsarbeidarar frå heile fellesområdet møtest jamleg til fagleg fellesskap.  

Saman utgjer vi eit kreativt og engasjert team som likar å tenkje nytt og utvikle kyrkjelivet saman. Vi ønskjer særleg å styrkje arbeidet for barn og familiar og bygge gode fellesskap der nye generasjonar kan finne sin plass i kyrkja.

Arbeidsoppgåver

• Organisere konfirmantåret i Fjell sokn med årleg 70 – 90 konfirmantar
  
• Vere hovudkontakt for konfirmantåret
  
• Planlegge og gjennomføre konfirmantundervisning saman med sokneprest og ungdomsarbeidar 
  
• Arbeide med leiarutvikling for ungdom
  
• Drive tweens-arbeid
  
• Planleggje, gjennomføre og evaluere tiltak og arrangement 
  
• Følgje opp frivillige medarbeidarar knytt til arbeidet
  
• Delta i gudstenestearbeid

Kvalifikasjonar

Det er ønskjeleg med

• Erfaring frå undervisningsarbeid
  
• Erfaring med tweens og ungdom i kyrkja og/eller frivillige organisasjonar 
  
• Pedagogisk og kristendomsfagleg utdanning, tilsvarande bachelornivå  
  
• Gode norskkunnskapar, skriftleg og munnleg (administrasjonsspråket i Øygarden kyrkjelege fellesråd er nynorsk)  
  Det er krav om
  
• Førarkort klasse B  
  
• Medlemskap i Den norske kyrkja
  

Personlege eigenskapar

Vi ønskjer ein kyrkjelydspedagog som

• Forstår ungdomskultur og samtid
  
• Kommuniserer tydleg og formidlar godt
  
• Byggjer gode relasjonar til ungdom og vil vere ein trygg vaksenperson i deira liv
  
• Ser heile mennesket
  
• Kan knyte tru til identitet, psykisk helse og kvardagsliv
  
• Kan vere med å byggje bru mellom kyrkje, heim og lokalsamfunn
  
• Samarbeider godt med andre
  
• Arbeider strukturert, sjølvstendig og langsiktig
  
• Har tydeleg etisk bevisstheit rundt det å vere eit førebilete for ungdom

Vi tilbyr

• Utfordrande og meiningsfulle arbeidsoppgåver i eit stort og kreativt arbeidsfellesskap  
  
• Samarbeid med fagleg dyktige og engasjerte kollegaer og frivillige  medarbeidarar
  
• Tilsetting på dei vilkår som går fram av lover og reglement  
• Løn etter KA sin tariffavtale
  
  

Anna  

• Noko kvelds- og helgearbeid må påreknast.  
  
• Vi legg vekt på at kompetanse og eigenskapar hos dei tilsette i sokneteamet utfyller kvarandre 
  
• Ein kan få oppgåver også i andre sokn i Øygarden kyrkjelege fellesråd  
  
• Den som vert tilsett, må leggje fram politiattest utan merknad, jf. Lov om trus- og livssynssamfunn, kapittel 4, §20.  
  
  

Øygarden kyrkjelege fellesråd ønskjer mangfald med omsyn til kjønn, alder, funksjonshemming, kulturell bakgrunn og/eller hol i CV-en, og oppfordrar alle som er kvalifiserte til å søkje stillinga.

Kontaktinformasjon

Rannveig Vestbøstad Vik, Seksjonsleiar barn og unge, 415 07 011
Mathilde K D Løvfall, Personalleiar, 902 72 703

Arbeidssted

Tytebærbrekko 2
5353 Straume

Nøkkelinformasjon:

Arbeidsgiver: Øygarden kyrkjelege fellesråd

Referansenr.: 5126697732
Stillingsprosent: 60%
Fast
Søknadsfrist: 31.05.2026