Tannhelsesekretær

Vestland tannhelseteneste - Måløy tannklinikk har ledig ei fast 100% stilling som tannhelsesekretær frå 18.august 2025.

Måløy er ein kystby i Kinn kommune med rundt 3200 innbyggjarar. Her har du nærleik til både fjord- og fjellaktivitetar, med fantastisk utsikt! Du kan oppleve attraksjonar som Kannesteinen, Refviksanden i nærmiljøet ditt, og besøke eit av dei mange fyra rundt Vågsøy. Måløy er stoppestad for Hurtigruta, og det er hurtigbåtforbindelse to gongar dagleg til Bergen. Det er gode turmogelegheiter i området, og fleire gode idretts- og fritidstilbod og treningssenter i Måløy. Det er ca. 45 min. til skianlegg og 45 min. til surfing i Hoddevika. 

Måløy tannklinikk er ein klinikk med 3 tannlegar, 2 tannpleiarar og 3 tannhelsesekretærar. Det er eit godt arbeidsmiljø, og gode mogelegheiter for fagleg utvikling med pasientar i alle aldrar.

Arbeidsoppgåver

Arbeidsoppgåvene til tannhelsesekretæren er hovudsakleg å assistere tannlegen, vask og desinfisering/sterilisering, besvare telefon, sende timeavtalar, ta røntgenbilete av pasientar med meir. Det er ein variert og innhaldsrik arbeidskvardag. 

Kvalifikasjonar

Søkjarar med autorisasjon som tannhelsesekretær og andre med interesse for fagfeltet er oppfordra til å søkje. Vi ønskjer å tilrettelegge for at søkjar utan autorisasjon skal kunne ta utdanninga som fører til autorisasjon som tannhelsesekretær innan 3 år frå tiltredingsdato. Søkjar må beherske norsk flytande skriftleg og muntleg.

Personlege eigenskapar

Vi søkjer etter ein sjølvstendig, ansvarsbevisst og initiativrik medarbeidar med gode kommunikasjonsevner.

Vi søkjer deg som:

• Likar å jobbe med menneske
• Arbeider sjølvstendig og meistrar travle dagar
• Er positiv og serviceinnstilt
• Har gode kommunikasjonsevner
• Har gode samarbeidsevner
• Bidreg til eit godt arbeidsmiljø på klinikken

Det vert vektlagt at søkjar er personleg eigna til stillinga.

Vi tilbyr

-          ei spennande og variert stilling i eit arbeidsmiljø med høg fagleg kompetanse
-          gode moglegheiter for personleg og fagleg utvikling
-          godt samarbeid, dialog og oppfølging av klinikkleiar 
-          løn etter tariff
-          fylkeskommunale tilsetjingsvilkår med gode offentlege forsikrings- og pensjonsordningar

Andre opplysningar

Den som vert tilsett må leggje fram politiattest. Alle nytilsetjingar i Vestland fylkeskommune vert gjort med ei prøvetid på 6 mnd.
Vi gjer merksam på at i følge offentleglova §25, 2.ledd, kan opplysningar om søkjaren bli offentleggjort sjølv om du har bedt om ikkje å bli ført på offentleg søkjarliste. Dersom du har bedt om unntak frå offentleg søkjarliste, vil du alltid bli varsla før søkjarliste vert offentleggjort. 

Kontaktinformasjon

Elisabet Skrede, områdeleiar tannhelse, 57638010, Elisabet.Skrede@vlfk.no

Arbeidsstad

Gate 1 59
6700 Måløy

Nøkkelinformasjon:

Arbeidsgivar: Vestland fylkeskommune

Referansenr.: 4965955449
Stillingsprosent: 100%
Fast
Søknadsfrist: 28.05.2025