Bli vår nye avdelingsleiar på Folgefonn DPS

Er du ein leiar som ønskjer å bety noko for både pasientar og tilsette? Då kan dette vere jobben for deg. 

Vi ser etter ein engasjert og entusiastisk avdelingsleiar med solid fagkunnskap innan psykisk helsevern. Du må ha lyst til å bidra aktivt i utviklinga av gode og framtidsretta tenester for pasientane i vårt opptaksområde. Avdelingsleiar er ein del av klinikken si leiargruppe og rapporterer direkte til klinikkdirektøren.

Som avdelingsleiar ved Folgefonn DPS blir du ein del av eit tverrfagleg fagmiljø som brenn for god behandling og tett oppfølging av pasientane våre i Ullensvang og Kvinnherad.

Vi tilbyr polikliniske tenester, ambulant oppfølging og døgnbehandling – og du får leie ei avdeling med høg fagleg kompetanse og brei samansetting av yrkesgrupper.
Her jobbar legar, psykologar, musikkterapeut, fysioterapeut, sjukepleiarar, vernepleiarar og sosionomar – alle med felles mål om å gi pasientane best mogleg hjelp. 

Her vil du få eit nært samarbeid med både kommunehelsetenesta og andre einingar i Helse Fonna – og du blir ein viktig del av eit større fagleg fellesskap.

Høyrest dette ut som noko for deg? Då vil vi gjerne høyre frå deg!

Vil du sjå korleis det er å jobbe hos oss på Valen? I denne filmen får du eit innblikk i kvardagen ved Folgefonn DPS: Sikkerheitsposten Valen sjukehus - YouTube

Kva går jobben ut på?

• Totalansvar for avdelinga – fag og kvalitet, personell, økonomi og drift
• Leie og utvikle verksemda i samsvar med overordna målsettinga og strategi
• Sikre god kvalitet i pasientbehandling og rett medisinsk prioritering
• Sørgje for at klinikken skaper effektive pasientforløp gjennom god planlegging og samhandling internt og eksternt
• Sikre god koordinering av dagleg drift
• Sikre hensiktsmessig samhandling med primærhelsetenesta i opptaksområdet og andre einingar i klinikken
• Stimulere til opplæring, utdanning og forsking

Kva kompetanse er viktig i denne rolla?

• Høgare helsefagleg profesjonsutdanning innan psykologi eller medisin
• Erfaring og god klinisk kunnskap om psykisk helsevern og tverrfagleg spesialisert rusbehandling
• Relevant leiarerfaring
• Erfaring frå endrings- og forbetringsprosessar
• Ønskjeleg med erfaring innan økonomi- og budsjettstyring
• Profesjonssamansetting i klinikkdirektør si leiargruppe vil bli vektlagt ved rekruttering
• Leiarutdanning, organisasjon og leiing, eventuelt økonomi

Kva ser vi etter hos deg?

Vi ser etter deg som:

• forstår samanhengar og har blikk for både detaljar og heilskap
• kommuniserer tydeleg og samarbeider godt med ulike faggrupper
• inkluderer dei rundt deg og skaper retning og tryggleik i leiarrolla
• jobbar strukturert og følgjer opp det du har sett i gang
• har god kapasitet og klarer å stå i eit høgt tempo når det krevst

Kvifor skal du velje oss?

Hos oss får du:

• eit fagmiljø med brei erfaring og spesialisert kunnskap
  
• eit arbeidsmiljø der vi støttar kvarandre og har det fint saman på jobb
• ein meiningsfull jobb der du bidreg til å utvikle psykisk helsevern og rusbehandling
• utvikle deg vidare – både i leiarrolla og fagleg
• lønn etter avtale
• gode pensjons- og forsikringsordningar
  

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Kenneth Eikeset, Direktør, +47 99513977

Arbeidsstad

Sjukehusvegen 26
5451 Valen

Nøkkelinformasjon:

Arbeidsgivar: Helse Fonna HF

Referansenr.: 4939680842
Stillingsprosent: 100%
Fast
Søknadsfrist: 27.04.2025