Radiograf

Seksjon Volda ved avdeling for radiologi Ålesund/Volda søkjer etter fleire radiografar i turnus som har lyst på ein spennande arbeidskvardag med oppgåver frå traumer til polikliniske pasientar. Arbeidsoppgåvene er varierte og ein får jobbe både sjølvstendig og i team.

Seksjonen har ledig ei fast stilling og eit vikariat på 12 månader med moglegheit for forlenging.

Radiologisk avdeling i Volda er godt utstyrt med foton-CT, MR, tre skjelettrøntgen-laboratorium, ultralyd og osteodensitometri. Vi har eit stabilt og triveleg arbeidsmiljø med dyktige tilsette. I dag har avdelinga 17 radiografstillingar, der 14 inngår i ei roterande tredelt turnusordning. Vi har særleg behov for radiograf som kan inngå i turnus, men vi ønskjer òg kontakt med kandidatar som av ulike grunnar og for ein periode, ønskjer å arbeide dagtid.

Volda sjukehus har traumefunksjon, og det skjer ei stor utvikling ved sjukehuset med utviding og modernisering. Vi har ei moderne MR-maskin, nytt konvensjonelt røntgenlaboratorium, og ny foton-CT.

Vi ber om at attestar og vitnemål vert lasta opp som vedlegg til søknaden din.

Arbeidsoppgåver

• Utføre radiograffagleg arbeid i tråd med gjeldande prosedyrar
  
• Arbeide ved alle laboratoria (CT, MR, konvensjonell røntgen med og utan gjennomlysing, ultralyd)
  
• Medverke til forsvarleg og effektiv pasientbehandling, samtidig som pasientane sitt behov for omsorg og pleie vert ivareteke
  
• Bidra til eit godt fagleg og sosialt arbeidsmiljø i tett samarbeid med kollegaer

Kvalifikasjonar

• Autorisasjon som radiograf med norsk godkjenning
  
• Erfaring frå CT, MR og generell radiografi er ønskjeleg, men ikkje eit krav
  
• God munnleg og skriftleg framstillingsevne på norsk

Personlege eigenskapar

• Du arbeider sjølvstendig, målretta og tek ansvar
  
• Du lærer raskt og er open for ny kunnskap
  
• Du er positiv og har gode samarbeidsevner
  
• Du er fagleg engasjert og bidreg til eit godt arbeidsmiljø
  
• Du er initiativrik, løysingsorientert og fleksibel

Personlege eigenskapar og evne til samarbeid vil bli vektlagt ved tilsetting.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

 

Om Volda:
Midt mellom fjord og fjell finn du Volda – eit fantastisk utgangspunkt for naturopplevingar i Sunnmørsalpane. Her finn du alt frå enkle turstiar til spektakulære toppturar. Regionen har eit rikt kultur- og idrettstilbod, samt eit aktivt høgskulemiljø. Det er gode kommunikasjonar, med flysamband til Bergen og Oslo frå Ørsta/Volda lufthamn.
Sjå meir om Volda her og her.

Kontaktinformasjon

Lisbeth Skipenes Andersen, Seksjonsleiar, lisbeth.andersen@helse-mr.no

Arbeidssted

Kløvertunvegen 1
6103 Volda

Nøkkelinformasjon:

Arbeidsgiver: Helse Møre og Romsdal HF

Referansenr.: 5081857154
Stillingsprosent: 100%
Fast, Vikariat
Sluttdato: 12.09.2027
Søknadsfrist: 18.03.2026