Rektor Ulstein kulturskule Oppvekst og kulturetaten

Ved Ulstein kulturskule er det ledig 100% stilling som rektor frå 01.09.2023. Det ligg om lag 20% undervisning til stillinga.
Ulstein kulturskule har om lag 500 elevplassar og 8 årsverk fordelt på 16 tilsette. Skulen held til i godt eigna lokale på Reiten, og nyttar i tillegg rom på skulane til desentralisert undervisning. Rammeplan for kulturskulen er vedteken av kommunestyret.

Kulturskulen har tilbod innan musikk, dans, kunst og drama, og er eit lokalt ressurssenter med tilbod til born, unge og frivilleg musikkliv.

Rektor har ansvar for fagleg og administrativ leiing av skulen, samt for strategisk planlegging.

Arbeidsoppgåver

-Utvikle skulen som lærande organisasjon

-Samarbeide med viktige aktørar internt/eksternt

-Utøve god personal- og økonomileiing

-Leie og motivere tilsette og elevar

-Forvaltning og kvalitetsutvikling

Kvalifikasjonar

-Kulturfagleg/pedagogisk utdanning på høgskule-/universitetsnivå

-Leiarerfaring frå kulturskule eller annan relevant verksemd

-Realkompetanse/erfaring kan eventuelt kompensere for krav om utdanning

Personlege eigenskapar

Vi søkjer ein utviklingsorientert, ambisiøs, kreativ, tydeleg og samlande leiar som kan identifisere seg med Ulstein kommune sine kjerneverdiar:

Nyskaping – Omsorg– Rausheit - Mangfald

Personlege eigenskapar vert lagt stor vekt på. 

Vi tilbyr

Gode høve for fagleg utvikling og nettverksbygging. Leiarstøtte frå fagstab og interne tenester.

Tilsetting i samsvar med gjeldande avtaleverk. Løn etter avtale. Stillinga er underlagt reglement for kommunal fleksitid.

Det er krav om framvist politiattest ved tiltrede.