Vernepleiar

Haram bustadar avdeling barnebustad/avlastning søker vernepleiar i 100%  stilling. Stillinga er eit vikariat med varigheit på 1,5 år. Stillinga er for tida i barnebustad ved Solbakken bukollektiv. Turnus består for tida av dag/kveld og langvakter kvar 4.helg. I stillinga som vernepleiar i barnebustad får du vere med å bygge opp barnebustad og barneavlastning i Haram kommune. Du vil få sett av tid i turnus til å jobbe med fag, og jobbe tett i lag med miljøterapeutteamet og avdelingsleiar.

Haram bustadar er delt inn i tre avdelingar. Haram bustadar 1 består av bustadar, Haram bustadar 2 består av bustadar, dagsenter og Solbakken bukollektiv, Avdeling 3 består av  barnebustad og barneavlastning. Vi gir i hovudsak tenester til menneske med diagnosen psykisk utviklingshemming. Vi er opptekne av å skape eit godt arbeidsmiljø i avdelingane våre og fokus på fag og å gi gode tenester til tenestemottakarane.

Kommunalområde helse og omsorg består av Haram omsorgstenester og Haram butenester. Vi har ansvar for brukarar i alle aldrar, med mange ulike behov. For oss er det viktig å gi gode målretta tenester, slik at den einskilde mottek den hjelpa ein treng til rett tid og på rett nivå i tenestetilbodet vårt. Den viktigaste ressursen vår er  dei tilsette og vi ønsker å vere ein arbeidsplass der ein opplever trivsel, utvikling og  meistrar oppgåvene ein er sett til å gjere. Vi veit at framtida vil krevje nye arbeidsformer i kommunalområdet, noko vi arbeider aktivt med å sette oss i stand til å møte på ein god måte.

Haram kommune er oppteken av gode heilskaplege tenester, og har fokus på arbeid på tvers av tenesteområda for å skape gode tenester for innbyggarane våre. I Haram jobbar vi for å spele kvarandre gode.

Arbeidsoppgåver

• Målretta miljøarbeid.
• Vere nytenkande og kreativ for å imøtekome barna sine behov og ynskje.
• Bruk av hjelpemiddel dersom barna har behov for dette.
• Deltaking/samhandling med pårørande/verge og andre samarbeidspartnarar.
• Dokumentering etter gjeldande prosedyrar og lovverk.
• Fagutvikling - vernepleiar vil ha fagansvar og koordineringsansvar på avdelinga.
• Utarbeide, oppdatere og følgje opp tiltak og planar etter vedtak og behov.
• Rettleiingsansvar, både i gruppe og på individnivå.
• Innleige ved sjukdom, i turnussystemet GAT.
• Gruppeleiar med primæransvar.
• Legemiddelhandtering.

Kvalifikasjonar

• Autorisasjon som vernepleiar.
• Erfaring med å jobbe tverrfagleg og i team.
• Erfaring i helse og omsorgstenestelova kapittel 9.
• Meistre godt norsk både skriftleg og munnleg.
• Førarkort kl. B.
• Erfaring frå arbeid rundt menneske med psykisk utviklingshemming.
• Erfaring frå arbeid med barn.

Personlege eigenskapar

Vi ser etter deg som:

• Viser initiativ og er kreativ.
• Er kunnskapsrik og fagleg oppdatert.
• Er pliktoppfyllande og sjølvgåande.
• Har stor arbeidskapasitet og er ein utprega omsorgsperson.
• Evnar å bygge relasjonar med deltakarar, kollegaer og andre samarbeidspartnarar.
• Evnar å skape engasjement og har gode haldningar og moral.
• Er ein lagspelar som bidrar til at felles mål blir nådd.
• Er lojal og stabil.
• Personlige eigenskapar vil bli vektlagt.

Vi tilbyr

• Ein kjekk arbeidsplass med høve til personleg og fagleg utvikling.
• Rom for å vere kreativ
• Lønn etter gjeldande tariffavtale.
• Fastsett tid i turnus til å jobbe med fag, prosedyrar og rutinar.
• Jevnlege møtepunkt som personalmøte, miljøterapeutmøte, tenestemottakermøte og ansvarsgruppemøte.

Kontaktinformasjon

Amanda Kristin Rise, Avdelingsleiar, 91161215, Amanda.Kristin.Rise@haram.kommune.no
Linn Borgund, Tenesteleiar, 97595965, linn.borgund@haram.kommune.no

Arbeidsstad

Ulvestadvegen 6
6265 Vatne

Nøkkelinformasjon:

Arbeidsgivar: Haram kommune

Referansenr.: 4985094449
Stillingsprosent: 100%
Vikar
Startdato: 01.09.2025
Søknadsfrist: 06.07.2025