Radiograf

Er du interessert i mammografi, fagleg engasjert, samt opptatt av kvalitet og utvikling? Ønskjer du å jobbe på dagtid med fri kvar helg? Ønskjer du fast jobb midt i flott vestlandsnatur med kort veg til fjell og hav, og på same tid ha tilgang til kafear, konsertar og butikkar?   
 
Vi har ledig 100% fast stilling som radiograf innan mammografi ved Førde sentralsjukehus. Arbeidstida er dagtid (37,5 t/veke) kvardagar og fri kvar helg. Det er mogeleg å kombinere arbeidet innan mammografi med arbeid ved annan modalitet i 20-40% av stillinga. 
 
Seksjonen i Førde har stort fokus på kvalitet, og jobbar aktivt for god pasientflyt og fagleg utvikling. Vi set trivsel høgt og er ein arbeidsplass med flotte kollegaer og mykje humor. Seksjonen har omlag 50 tilsette, der 31 er radiografar. Utenom mammografi har seksjonen 2 CT-maskiner, 2 MR-maskiner (1,5T og 3T), 3 konvensjonelle røntgen apparat, 2 digitale mobile apparat,  gjennomlysing/intervensjon/angio, samt 3 ultralyd apparat. Førde sentralsjukehus er eit middels stort sjukehus som har kliniske avdelingar innan dei fleste fagområde. Sjå www.helse-forde.no .  

Innan mammografi utfører vi både kliniske undersøkingar og mammografiscreening. Vi har 2 GE Senographe Pristina mammografiapparat frå 2021/2022, EnCore vakuumbiopsi og ultralyd. Vi har eit breitt tilbod innan utgreiing og kontrollforløp, samt screening med etterundersøkingar. Vi er eit lite BDS der fagradiograf og 3 radiografar i hovudsakleg jobbar med mammografi, i tillegg til nokre radiografar som rullerer innom screening.  

Førde er administrasjonssenteret i Sunnfjord kommune og er den største byen i tidlegare Sogn og Fjordane fylke. Her er flyplass og eit godt utbygd bussrutenett, og Bergen ligg kun tre timars køyretur sørover. Førde er eit handelssentrum med stort utval butikkar, samt gode tilbod innan kultur (konsertar, arrangement, kunst m.m.). Innan friluftsliv er det nærast uendelege moglegheiter. Vi ligg midt i flott vestlandsnatur omkransa av fjord og fjell, samt kort veg til kysten og havet. Tilhøva for fjellturar, langrenn, alpint, toppturar, kajakkpadling, fisking, sykling, klatring m.m. er mange og varierte.   

Arbeidsoppgåver

• Planlegge og gjennomføre undersøkingar  
• Samarbeide med andre einingar og profesjonar  
• Utføre kliniske mammografiundersøkingar
• Ta del i mammografiscreeninga
• Tilrettelegge og assistere radiolog ved ultralyd  

Kvalifikasjonar

• Norsk autorisasjon som radiograf
• Meistre norsk godt både skrifteleg og munnleg 
• Det er ønskjeleg med kompetanse og erfaring innan mammografi, men ikkje eit krav 

Personlege eigenskapar

• Gode samarbeids- og kommunikasjonsevner 
• Sjølvstendig, fokusert og ansvarsbevisst 
• Fagleg engasjert og interessert 
• Arbeider godt i team 
• Positiv innstilling 

Personlege eigenskapar vil bli vektlagt. 

Vi tilbyr

• Godt arbeidsmiljø med kjekke og dyktige kollegaer 
• Faglege utfordringar og moglegheit for utvikling 
• Tilpassa opplæring 
• Konkurransedyktig løn 
• Gode pensjons- og forsikringsordningar 
• Arbeid i IA-bedrift 

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Kontaktinformasjon

Reidun Brekke, Seksjonsleiar FSS, (+47) 578 39 616

Arbeidsstad

Svanahuagvegen 7
6812 Førde

Nøkkelinformasjon:

Arbeidsgivar: Helse Førde

Referansenr.: 4735906410
Stillingsprosent: 100%
Fast
Startdato: 05.02.2024
Søknadsfrist: 03.01.2024