Vil du vere læraren elevane husker – fordi du så dei, utfordra dei og trudde på dei? Då er du den vi ser etter.

Vi søkjer ein lærar som brenn for å utvikle spennande, innovativ og praksisnær undervisning i samarbeid med elevar og kollegaer i profesjonelle lærande fellesskap. Vi treng ein lærar som er gode på klasseleiing, relasjonsbygging og samarbeid, som har omsorg for elevane og skapar trygge gode klasse- og læringsmiljø der elevane trivst og lærer. 

Det er spesielt behov for 1-7-lærar med undervisningskompetanse i faga norsk, matematikk og engelsk, og kompetanse innan begynneropplæring. Kompetanse og erfaring frå arbeid med barn med behov for tilrettelagt støtte er ønskeleg.  Kontaktlærarfunksjon er tillagt stillinga. Dessutan kan IKT-ansvar bli tillagt stillinga.

• Godkjent undervisningskompetanse jf. opplæringslova § 10-1 og 10-2 og forskrift til opplæringslova kapittel 14, sjå særleg §§ 14-1 til 14-3.
• Før opp i søknaden kva fag du har undervisningskompetanse innanfor.

Personlege eigenskapar blir vektlagde. Vi søkjer deg som

• Brenn for læraryrket og ønsker å bidra til god læring for elevane.
• Er tydeleg på klasseleiing og har evne til å skape gode relasjonar til barn, føresette og kollegaer.
• Er positiv, fleksibel og løysingsorientert.
• Har god digital kompetanse og evne til å vurdere når det er føremålstenleg for elevane å arbeide digitalt.
• Ser på leik som viktig og som ein god metode i undervisninga.
• Ønskjer å delta i skulen sitt fellesskap, både fagleg og sosialt.
• Har engasjement for elevane sitt læringsfellesskap.

Våre lærarar må ha god evne til munnleg og skriftleg framstilling.  Ål kommune nyttar nynorsk som målform.

• Arbeidsplass med gode og utviklande arbeidsmiljø.
• Rettleiing i to år for nyutdanna lærar.
• Engasjerte og dyktige skuleleiarar.
• Skule som er engasjert i pedagogisk utviklingsarbeid og kompetanseheving.
• To-lærarsystem.
• Miljørettleiarar ved skulen.
• Lønns- og arbeidsforhold regulert av Hovudtariffavtala.

• Vitnemål og attestar legg du inn saman med søknaden.
• Den som vert tilsett må legge fram politiattest ikkje eldre enn tre månader.
• Intervju og tilsetting kan skje fortløpande i søknadsperioden.
• Kommunen følgjer offentleglova § 25 ved eventuell offentleggjering av søkjarlista.