Vi søkjer radiografar til Førde sentralsjukehus

Vil du vere del av ei radiologisk avdeling der alle kjenner alle? Ønsker du breidde i  arbeidsdagen, der du får jobbe innan ulike fagområde og modalitetar? Få ein meiningsfull og variert arbeidskvardag samtidig som du bur midt i livets leikeplass: Vestlandet!

Vi har ledig radiografstillingar ved Førde sentralsjukehus:

• 2 x 100% vikariat i perioden 01.12.2025 - 16.08.2026
• Dato for første arbeidsdag er fleksibel og kan avtalast

Stillingane inneheld radiograffagleg arbeid innan røntgen, intervensjon/gjennomlysing, CT og ultralyd. Stillingane er del av ein 3-delt turnus (35,5 t/veke) med arbeid kveld, natt og kvar 3.-4. helg. Det er også moglegheit for opplæring og rullering innom MR eller mammografi.

Trivsel og kvalitet

Ved Radiologisk avdeling ved Førde sentralsjukehus er vi opptatt av at du skal trivast saman med kollegaene dine, samtidig som du opplever fagleg utvikling og meistring i jobben. Vi har stort fokus på kvalitet, og jobbar aktivt for god pasientflyt og at pasienten kjenner seg ivaretatt.

Kva kan vi tilby?

• Vi set trivsel høgt og er ein arbeidsplass med flotte kollegaer og mykje humor. Vi har eigen trivselskomité som fiksar julebord, sommarfest og andre sosiale samankomstar. Ikkje bli overraska om vaffellukta brer seg på personalrommet.
• Her er ingen spørsmål dumme, og det er låg terskel for å be ein kollega om råd eller støtte.  
• Sidan du rullerar og er innom fleire fagområde og modalitetar, vil du få ein variert arbeidskvardag og brei erfaring.
• Du får konkurransedyktig løn, samt gode pensjons- og forsikringsordningar.

Her kan du bli betre kjent med oss, samt få 10 gode grunnar til å jobbe i Førde .

Kvalifikasjonar (overskrift)

Kven ser vi etter

God kommunikasjon er kanskje ein av dine viktigaste styrkar, då det er avgjerande for å vere flink med pasientar, fungere med kollegaer og mot andre avdelingar og profesjonar. Du viser engasjement og interesse for faget og trivst med å jobbe innan ulike fagområde og modalitetar. Det er krav om norsk autorisasjon som radiograf.
 
Bu midt i livets leikeplass: Vestlandet!

I Sunnfjord bur du midt i eit friluftseldorado med kort veg til toppturar, klatring, stisykling, kajakkpadling og andre aktivitetar. I løpet av ei helg kan du oppleve både strender i verdsklasse og fjellturar du elles berre ser på instagram.  

Her er også urbane tilbod som restaurantar, kjøpesenter, treningssenter, kaféliv, kulturliv, teater og konsertar. Vi har flyplass og eit godt utbygd kollektivtilbod, og Bergen ligg tre timar unna med bil. I Sunnfjord vil du oppleve ein enkel kvardagslogistikk med korte avstandar til det meste.
 
Seksjonen har omlag 50 tilsette, der 30 er radiografar. Vi har 2 CT-maskiner, 2 MR-maskiner (1,5T og 3T), 3 konvensjonelle røntgen apparat, 2 digitale mobile apparat, 2 mammografiapparat (klinisk og screening), gjennomlysing/intervensjon/angio, samt 3 ultralyd apparat. Førde sentralsjukehus er eit middels stort sjukehus som har kliniske avdelingar innan dei fleste fagområda. Sjå www.helse-forde.no .   

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Reidun Brekke, Seksjonsleiar FSS, (+47) 578 39 616

Arbeidsstad

Svanehaugvegen 2
6812 Førde

Nøkkelinformasjon:

Arbeidsgivar: Helse Førde

Referansenr.: 5029936613
Stillingsprosent: 100%
Vikariat
Startdato: 01.12.2025
Sluttdato: 16.08.2026
Søknadsfrist: 02.11.2025