Seksjonleiar

Seksjonsleiar ambulansetenesta – Sentrum/Øst
Ambulansetenesta i Helse Bergen er ein samfunnskritisk funksjon – 24 timar i døgnet, 365 dagar i året. No søkjer vi ein seksjonsleiar som vil ta eit tydeleg leiaransvar for vidareutvikling av ambulansetenesta i seksjon Sentrum/Øst.

Seksjonen er ein sentral del av den prehospitale beredskapen i Bergen og står i ei tid med aukande krav til samhandling, effektiv ressursbruk og kontinuerleg kvalitetsforbetring. Som seksjonsleiar får du eit breitt handlingsrom og ei nøkkelrolle i å sikre både stabil drift og strategisk utvikling.

Om avdelinga
Helse Bergen er ein del av Helse Vest og har ansvar for spesialisthelsetenester i regionen. Akuttmedisinsk avdeling (AMA) er ein del av Kirurgisk serviceklinikk og har ansvar for ambulansetenesta, AMK og luftambulansen i føretaket. Avdelinga har om lag 370 tilsette og eit budsjett på om lag 380 millionar kroner.

Avdelinga er organisert i tre ambulanseseksjonar, i tillegg til AMK og luftambulansen.

Seksjonsleiar inngår i leiargruppa i avdelinga og rapporterer til avdelingssjef.

Ditt leiaroppdrag

Som seksjonsleiar får du heilskapleg ansvar for drift, kvalitet, økonomi og personal i seksjonen. 

Du skal:

• Sikre stabil, forsvarleg og effektiv drift av ambulansetenesta
• Utvikle seksjonen i tråd med framtidige krav til beredskap og samhandling
• Byggje ein trygg, open og lærande kultur
• Vidareutvikle kompetanse, struktur og arbeidsprosessar
• Forvalte ressursar ansvarleg og strategisk
• Bidra aktivt i avdelinga si leiargruppe med eit heilskapleg perspektiv

Stillinga krev trygg leiing i ein operativ og til tider krevjande kvardag, kombinert med evne til å arbeide langsiktig og strategisk.

Kven ser vi etter?

Dette må du ha:

• Helsefagleg utdanning på minimum bachelornivå (relevant erfaring kan i særlege tilfelle kompensere)
• Dokumentert leiarerfaring med personal- og økonomiansvar
• Erfaring frå beredskapsarbeid eller døgnkontinuerleg drift
• God forståing for turnus og arbeidstidsplanlegging
  

Det er ein fordel om du har:

• Erfaring frå ambulansetenesta eller prehospital verksemd
• Erfaring frå endrings- og utviklingsarbeid
• Erfaring frå partssamarbeid
• Erfaring frå tverrfagleg og tverretatleg samhandling

Vi ser etter ein leiar som:

• Skaper tillit og retning i krevjande situasjonar
• Tek tydelege avgjerder og står i dei
• Byggjer gode relasjonar og involverer medarbeidarane
• Arbeider strukturert og har god økonomisk forståing
• Har evne til å balansere operativ drift og strategisk utvikling
• Personleg eignaheit vil bli tillagt stor vekt.

Vi tilbyr

• Ei sentral og samfunnsviktig leiarrolle
• Reell påverknad på utvikling av prehospitale tenester
• Eit sterkt fagmiljø og eit erfarent leiarfellesskap
• Moglegheit for fagleg og leiarfagleg utvikling
• Løn etter avtale
• Gode pensjons- og forsikringsordningar

 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Tommy Nybakk, Avdelingssjef, 41929290, tommy.nybakk@helse-bergen.no
Janne Kristiansen, Rådgivar, 48286300, janne.kristiansen@helse-bergen.no

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5080293685
Stillingsprosent: 100%
Fast
Søknadsfrist: 27.02.2026