Viti søker ein som kan inngå i turnus for sommarformidling til publikum på Sunnmøre museum og Middelaldermuseet, og i tillegg halde ved like Margaretakyrkjeruinen. Som formidlar er du del av eit team som møter publikum og legg til rette for ulike aktivitetar i hus og tun. Arbeidet ved Margaretakyrkjeruinen går ut på å halde nede vekstar i vekstsesongen, og er leia av museet sin arkeolog.

Vi oppfordrar ungdom til å søke.

Periode: Arbeidet skjer i perioden 23. juni til og med 10. august. Stillinga er på til saman omlag 70%, fordelt i perioden. I tillegg kjem der fire dagar med arbeid i mai / tidleg juni.

Som tilsett i førstelinja ser vi etter deg som:

• Er positiv, omgjengeleg og serviceinnstilt

• Har interesse og / eller fagbakgrunn innan museum og historie

• Har interesse og erfaring med hagearbeid

• Har gode formidlingsevner, på norsk og engelsk

• Er sjølvstendig, strukturert og ryddig

• Har evne til å handtere varierte arbeidsoppgåver og utfordringar

Vi tilbyr :

• Vi tilbyr ein spennande og varierande arbeidsdag i eit godt arbeidsmiljø

• Løn etter tariff og kvalifikasjonar. Aktuell plassering for sommarformidlarar i stillingskode 1078 betjent med minsteløn kr 376 800

• Alle tilsette i Viti får medlemsskap i KLP

Arbeidstid varierer og blir sett inn i ein turnus som også kan vere helg.

Søknadsfrist: 16. april. Ver venleg å spesifiser kva stilling du søker på.

Vitnemål og attestar skal leggast ved søknaden. Vi krev vandelsattest til formidlarstillingar.

Send søknad til post@vitimusea.no