Vi søkjer sjukepleiararar

Fleire av våre sjukepleiarar skal ut i foreldrepermisjon og vi ønskjer å tilsette sjukepleiarar i midlertidige vikariat ved Behandlingsavdelinga

Behandlingsavdelinga er ein korttidsavdeling som også har ØH senger og senger til palliative pasienter. Vi har god fagdekning og fleire har spesialisert seg innan ulike fagfelt. Pleiegruppa er sett saman av sjukepleiarar, helsefagarbeidarar og assistentar. Vi er også ein praksisplass for svært mange i helsefagleg utdanningsløp. Det er eigen lege tilknytta avdelinga og vi har tilsyn av lege dagleg. Vi samarbeider tett med andre yrkesgrupper som kommunale ergo- og fysioterapeutar.

Kun nokre få minutt køyring frå Bergen ligg Luranetunet bu og behandlingssenter.Tunet rommar 2 korttidsavdelingar, 8 langtidsavdelingar og ein serviceavdeling – reinhald, vaskeri, kantine, teknisk. Luranetunet sin visjon er «Varme og vekst i samspel». Visjonen spring ut av den flotte, overbygde tropehagen på 1300 m2 i sentrum av Luranetunet. Her føregår det aktivitet på både dag- og kveldstid.
Hagen er ein god plass å vere for bebuarar, pårørande og tilsette - og alt anna som veks og trivst når vi legg til rette for det.
Varme og vekst står for den gode omsorga bebuarane våre skal oppleve, den personlege og fagleg utviklinga vi ønskjer for dei tilsette, og den varme velkomsten vi vil gi til pårørande og andre som kjem på besøk til oss.

Ute har vi sansehage med lysthus, bærbuskar, tre og planter.

Luranetunet er ein utdanningsinstitusjon med mange studentar, lærlingar og elevar som har krav på god rettleiing, og sjukepleiarane er sentrale i dette arbeidet. Vi dokumenterer helsehjelp i Profil og vi har eit elektronisk kvalitetssystem med rutinar og prosedyrar som kvar enkelt er ansvarleg for å halde seg oppdatert på. Luranetunet har også eigne sjukeheimslegar i faste store stillingar.

• har autorisasjon som sjukepleiar
• er fleksibel og likar å arbeide i eit variert og aktivt miljø
• har fokus på kvalitet
• deler kompetansen din og har gode kommunikasjons- og samarbeidsevner.
• set respekt og etikk høgt.
• bidrar positivt til arbeidsmiljøet i avdelinga, og heller ikkje er redd for å bli kjent i andre avdelingar og bidra der om det trengst.
• har god norsk munnleg og skriftelg framstillingsevne (B2-nivå)

 Personlege eigenskapar vil bli lagt vekt på

Saman med dyktige kollegaer vil du utføre sjukepleiaroppgåver som sikrar høg kvalitet og at pasientane/brukarane sine rettar blir ivaretatt

Utanlandsk utdanning må vere NOKUT-godkjent.

Vi gjer merksam på at du må legge fram politiattest.

• Faglege og personlege utfordringar i eit godt og inspirerande arbeidsmiljø
• God oppfølging og rettleiing (fadderordning). 
• Gunstig pensjonsordning, yrkesskade- og gruppelivsforsikring
• Løn etter gjeldande avtalar
• Vi arbeidar for å få etablert heiltidskultur i kommunen

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert tatt til følgje vil søkjaren bli varsla om det.

Vi vil aldri be søkjar om å oppgi BANK-ID informasjon i søknadsprosessen.