Einingsleiar pleie- og omsorgstenester, område Vikane

Vi søkjer ein nysgjerrig, motiverande og samlande leiar som vil vere med på mykje spennande utviklingsarbeid i Stryn kommune dei næraste åra.
 
Som leiar i pleie- og omsorgstenestene for Område Vikane vil du vere involvert i å utvikle tenestene med ny teknologi og arbeidsmåtar, og vere med på å utvikla gode tenester for brukarane. Det vil vere stadig fleire innbyggjarar som har behov kommunale tenester, dette betyr at endringsprosessar og nytenking står sentralt i ei slik stilling. Det vil vere viktig å ta vare på alt som fungerer godt i dag, samtidig må du ikkje vere redd for å sjå nye moglegheiter i andre arbeidsmetodar, organisering og teknologi. Område Vikane består i dag av 2 institusjonsavdelingar, heimesjukepleie og heimehjelp, reinhald, kjøkkendrift og dagsenter.
 
Som einingsleiar vil du ha eit overordna personal- og budsjettansvar, og dessutan hovudansvar for drift, beredskapsarbeid og internkontroll for området. Du vil ha kontorplass ved Vikane omsorgssenter og vere ein del av kommunalsjef for helse og sosial si leiargruppe.

Arbeidsoppgåver

Som einingsleiar har du det overordna ansvaret for:

• personal
• budsjett
• internkontroll og beredskapsarbeid
• at tenestene er av god kvalitet og i henhold til gjeldande lover og reglar, samt etaten sine etiske retningsliner
• eiga verksemd og for god samhandling med andre samarbeidspartar for å gje best mogleg teneste til andre

Kvalifikasjonar

• Relevant helsefagleg utdanning på høgskule og /eller universitetsnivå
• Leiarutdanning og leiarerfaring vert vektlagt

Du må ha:

• forståing og interesse for medarbeidardrivne endringsprosessar
• oppdatert kunnskap om nasjonale mål og relevant lov- og avtaleverk
• god forståing av økonomi- og budsjettarbeid

Dine personlege føresetnader tilseier at du:

• kan engasjere, motivere og inkludere dei tilsette til å yte gode tenester
• har evne til å utvikle eininga fagleg og organisatorisk
• er opptatt av at alle tenestene og tilsette held etaten sin standard
• samarbeider mot andre einingar, samarbeidspartar og frivillege

Vi tilbyr

• Spennande oppgåver i form av stor innflytelse og deltaking på endringsprosessar og planarbeid
• eit godt arbeidsmiljø med kompetente kollegaer
• God pensjonsordning

Kontaktinformasjon

Alexander Rande, Kommunalsjef, helse og sosial, 970 40 762

Arbeidsstad

Dragesetvegen 50
6793 Innvik

Nøkkelinformasjon:

Arbeidsgivar: Stryn Kommune

Referansenr.: 4978394039
Stillingsprosent: 100%
Fast
Søknadsfrist: 15.06.2025