Førde vidaregåande skule har om lag 1000 elevar og 220 tilsette, og er den største vidaregåande skulen i Vestland Nord. Vi har fokus på profesjonsutvikling og skuleutvikling. Skulen har topp moderne spesialrom, i tillegg til ny idrettshall og eit levande bibliotek, og har som mål å levere opplæring av høg kvalitet.

Skulen er geografisk todelt, med skuledrift på Mo og i Førde sentrum. Vi tilbyr utdanningsprogramma Bygg og anleggsteknikk, Elektro og datateknologi, Helse- og oppvekstfag, Kunst, design og arkitektur, Media og kommunikasjon, Naturbruk, Restaurant- og matfag, Sal, service og reiseliv, Studiespesialisering, Teknologi og industrifag. I tillegg har vi ansvar for undervisning ved sjukehuset, vaksenopplæring og ulike kurs.

Det er ledig vikariat i heil stilling som miljøkoordinator frå 11.08.25 til 01.04.26 med moglegheit for forlenging ut skuleåret .

Miljøkoordinator sine arbeids- og ansvarsoppgåver er førebyggande-, kontaktskapande – og sosialpedagogisk arbeid i Førde vidaregåande skule. Arbeidet vert samordna og organisert gjennom samarbeid med andre miljøkoordinatorar, elevtenesta og skuleleiinga. Førde vidaregåande skule har innført Draumeskulen. Mange av tiltaka og oppgåvene som ligg til stillinga er lagt inn under denne satsinga.

Arbeidsoppgåver

-          Ta initiativ til og fremje tiltak som aukar trivsel og styrkar miljøet ved skulen
-          Ha særleg merksemd mot tiltak som motverkar mobbing, vald, rasisme og rusmiddelbruk
-          Oppfølging av tiltak knytt til særskilte målgrupper som t.d. hybelbuarar og russ
-          Bidra i etablert samarbeid med kommunale tenester gjennom SLT
-          Haldningsskapande arbeid knytt til sosiale media og nettvett
-          Bidra til gode relasjonar mellom elevane og skulen
-          Stimulere til aktiv elevdeltaking i skulesamfunnet og opplæringa
-          Arrangere og leggje til rette for aktivitetar på skulen, i og utanfor ordinær skuletid
-          Hjelpe elevar til å finne seg til rette på skulen
-          Bidra for elevar som har personlege vanskar og sosiale vanskar
-          Bidra i oppfølginga av konfliktar og mobbing. Bidra i utviklinga av gode, trygge klassemiljø 

Kvalifikasjonar

3-årig utdanning frå høgskule/universitet innanfor fagområde som sosionom, vernepleiar og barnevernspedagog.

Relevant erfaring vil bli vektlagt

God IKT-kompetanse

Personlege eigenskapar

Sterke relasjons- og samarbeidsevner i høve til målgrupper og oppgåver

Vi tilbyr

Eit godt arbeidsmiljø med høg fagleg kompetanse

Løn etter tariff

Fylkeskommunale tilsettingsvilkår med gode pensjons- og forsikringsordningar

Kontaktinformasjon

Kari-Ann Bruland, avdelingsleiar, +47 91784066

Arbeidsstad

 

Nøkkelinformasjon:

Arbeidsgivar: Vestland fylkeskommune

Referansenr.: 4949244983
Stillingsprosent: 100%
Vikar
Startdato: 11.08.2025
Sluttdato: 31.03.2026
Søknadsfrist: 27.04.2025