Spesialist i klinisk allmennsjukepleie (AKS)

Vi søkjer ein engasjert og fagleg sterk spesialist i klinisk allmennsjukepleie (AKS) som vil bidra til heilskapleg og pasientretta helsehjelp for pasientar med samansette og komplekse behov.

Som AKS får du ei sentral rolle i å førebyggje sjukdomsutvikling, styrkje pasienten si meistring og sjølvstende, samt gi avansert sjukepleie, fagleg støtte og undervising i tett samarbeid med tilsette. Rolla er sjølvstendig, koordinerande og personorientert, og du vil vere ein viktig bidragsytar i utviklinga av sømlause helsetenester og gode pasientforløp.

Arbeidet inneber breitt samarbeid på tvers av avdelingar og med ulike faggrupper, inkludert fastlegar, sjukepleiarar, koordinatorar, leiarar og anna helsepersonell. Vi ser etter deg med solid fagleg kompetanse, gode samarbeidsevner og evne til å arbeide strukturert i ei rolle med stor påverknad.

Stillinga inneber arbeid med 37,5 timar per veke.

Arbeidsoppgåver

• Kartlegging, vurdering, oppfølging og koordinering
  Kartleggje og vurdere helsetilstanden hjå pasientar i målgruppa der AKS-kompetanse blir vurdert som nødvendig.
  Utføre grundig somatisk undersøking, anamnese og systematiske pasientundersøkingar.
  Gjennomføre kartleggingar av helsetilstand, legemiddelgjennomgangar og interaksjonsanalysar.
  Følgje opp og koordinere helsehjelpa til pasientar i samarbeid med relevant helsepersonell.
  Dokumentere kartleggingar, vurderingar og vidare planlegging elektronisk – lett tilgjengeleg for samarbeidande helsepersonell.
• Samhandling og samarbeid
  Vidareformidle vurderingar til anna helsepersonell for vidare oppfølging og behandling.
  Samarbeide med anna helsepersonell for å sikre ei heilskapleg helsehjelp.
  Samarbeide med pasientar/brukarar og deira pårørande.
• Rettleiing og undervising
  Undervise og rettleie pasientar og pårørande ut frå pasienten si helsetilstand og diagnose.
  Bidra til fagleg utvikling hos tilsette i kommunen gjennom rettleiing og intern undervising.
  Undervise og rettleie kollegaer og anna helsepersonell.
• Kvalitet og fagutvikling
  Delta i endrings- og forbetringsarbeid.
  Halde seg fagleg oppdatert på retningslinjer, forskingslitteratur og relevante prosedyrar.
  Delta i diskusjons- og refleksjonsgrupper med anna helsepersonell, ved behov og i etablerte forum.

Kvalifikasjonar

• Autorisert sjukepleiar
  
• Mastergrad i avansert klinisk sjukepleie (AKS)
  
• Spesialistgodkjenning i klinisk allmennsjukepleie
  
• Må meistre dei vanlegaste IKT-verktøya
  
• Det blir stilt krav om norskkunnskapar tilsvarande nivå B2, både munnleg og skriftleg, etter Europarådets nivåskala (CEFR)
  
• Evne til å halde seg fagleg oppdatert
• Ved tilsetjing blir det kravd tilfredsstillande politiattest, samt eigenerklæring for MRSA og tuberkulose (TBC)

Personlege eigenskapar

• God munnleg og skriftleg framstillingsevne
• Vere strukturert og løysingsorientert
• Er fleksibel og har evne til å arbeide sjølvstendig og saman med andre
• Vise fagleg engasjement
• Motivert, serviceinnstilt og fleksibel
• Har evne til å ta ansvar, samt nytenking og utvikling
• Personlege eigenskapar blir lagt vekt på ved tilsetting
• Har godt humør og bidreg til eit positivt arbeidsmiljø

Vi tilbyr

• Utfordrande og varierte arbeidsoppgåver 
• Gode kollegaer og triveleg arbeidsmiljø  
• Gode pensjons- og forsikringsordningar i KLP (hyperlenke)
• Rekrutteringstillegg til nytilsette

 

Offentlegheit
Vi gjer merksam på at det er offentleg søkjarliste. Unntak frå offentlegheit må grunngjevast jf. offentleglova § 25 andre ledd.
 

Kontaktinformasjon

Gulay Kar, Einingsleiar Sykkylven legesenter og heimetenester, +47 47728672, anne.kurseth@sykkylven.kommune.no

Arbeidsstad

Haugneset 16
6230 Sykkylven

Nøkkelinformasjon:

Arbeidsgivar: Sykkylven kommune

Referansenr.: 4997355682
Stillingsprosent: 100%
Fast
Søknadsfrist: 24.08.2025