Sjukepleiar med vidareutdanning i psykisk helsearbeid

Vil du bruke sjukepleiefaget ditt der det verkeleg betyr noko – for menneske som treng deg?
Meistringssenteret i Time kommune søkjer etter ein engasjert sjukepleiar med vidareutdanning i psykisk helsearbeid eller rus.

Hos oss får du jobbe med menneske som står i krevjande livssituasjonar – og vere ein del av eit fagmiljø som jobbar målretta for å skape varig endring og meistring i kvardagen.
Er du opptatt av relasjonar, recovery og fagleg utvikling? Har du lyst til å bidra i eit engasjert og varmt arbeidsmiljø med høg kompetanse og stort hjarte? Då er det kanskje deg me ventar på!

🧠 Kven er me?

Meistringssenteret i Time kommune gir tilbod til innbyggjarar over 18 år med utfordringar knytt til psykisk helse og/eller rus. Me arbeider etter Helsedirektoratet sine anbefalingar, og organiserer tenestene i forløp for å sikre struktur, kvalitet og individuell tilpassing:

Forløp 1: Kurs- og gruppebaserte tilbod, samt individuell rettleiing. Me nyttar mellom anna Assistert sjølvhjelp, og tilbyr både digitale og fysiske kurs.

Forløp 2: For innbyggjarar som har behov for både kurs og individuell oppfølging. Målet er å styrke meistring og førebu livet utan kommunale tenester.

ROP-team: For innbyggjarar med samansette utfordringar, som treng tett, tverrfagleg oppfølging over tid.

Arbeidsoppgåver

Oppfølging av innbyggjarar, med vekt på motivasjon, meistring og deltaking

Individuelle samtalar og samarbeid med pårørande og andre tenester

Kartlegging og oppfølging av somatisk og psykisk helse

Legemiddelhandtering og helsefagleg vurdering i samarbeid med fastlege og andre tenester

Bidra i utvikling og bruk av velferdsteknologi

Planlegging og gjennomføring av kurs og grupper – me er stolte av kursverksemda vår og ønskjer å utvide den

Deltaking i fagutvikling og kollegabasert rettleiing

Rettleiing av studentar – alle tilsette har ansvar for dette, då studentar er ein viktig del av Meistringssenteret sitt fagmiljø

Kvalifikasjonar

Autorisasjon som sjukepleiar

Vidareutdanning i psykisk helsearbeid eller rus er eit krav. Dersom du ikkje har dette frå før, forventar me at du startar på relevant vidareutdanning innan to år etter tilsetjing

Det er ein fordel med:

Vidareutdanning i kognitiv terapi

Erfaring frå kursarbeid eller gruppebaserte tilnærmingar

Kjennskap til FIT (Feedback Informerte Tenester)

Erfaring frå arbeid innan psykisk helse og/eller rus, somatikk

Personlege eigenskapar

• Du er trygg, engasjert og har eit varmt medmenneskeleg blikk.
• Du trivst med å samarbeide tett – både med innbyggjarar, pårørande, kollegaer og eksterne samarbeidspartnarar.
• Me ser etter deg som taklar endringar og uventa vendingar – for dagen blir ofte ikkje heilt som me hadde tenkt.
• Humor er viktig hos oss! Det gjer godt å kunne le i lag i ein travel kvardag, og det styrkjer både fellesskap og trivsel.
• Du er fagleg nyfiken, sjølvstendig og har tru på at alle menneske kan oppleve meistring og utvikling.
• Du må ha gode kommunikasjonsevner og framstå klar og tydeleg
  
• Det krevst gode norskkunnskapar, og både skriftleg og munnleg framstillingsevne vil bli vektlagt i tilsetjingsprosessen

Vi tilbyr

• Ein meiningsfull arbeidskvardag i eit fagmiljø med stort engasjement
• Høve til å påverke utviklinga av tilbodet vårt
• Tverrfagleg samarbeid og tett kollegastøtte
• Fokus på fagutvikling, rettleiing og opplæring
• Ein arbeidsplass med glimt i auga, rom for refleksjon – og ekte arbeidsglede
• Gode pensjonsordningar 
• Løn etter tariff
• Arbeidstida er i utgangspunktet dagtid, måndag til fredag, utan turnus eller helgevakter. Dersom behova endrar seg over tid, kan det bli aktuelt med justeringar i arbeidstidsordninga.

Kontaktinformasjon

Cathrine Kleppe, Avdelingsleiar, +47 47388387

Arbeidsstad

Røyrvika 2
4340 Bryne

Nøkkelinformasjon:

Arbeidsgivar: Time kommune

Referansenr.: 4979691499
Stillingsprosent: 100%
Fast
Søknadsfrist: 29.06.2025