ID 1947 Assisterande avdelingssjukepleiar - Stord sjukeheim

Stord sjukeheim har i dag 117 rom fordelt på 6 avdelingar. Ved sjukeheimen arbeider me for å skapa tryggleik og trivsel i eit positivt miljø, for både pasientar og tilsette. Me har god fagdekning og eit godt arbeidsmiljø. Arbeidsoppgåvene er både varierte og utfordrande.

Det er ledig fast 100% stilling som assisterande avdelingssjukepleiar frå 01.01.23.

Ledig stilling er i avdeling Backertunet. Avdelinga har fire grupper med til saman 27 pasientar. Stillinga har turnus med arbeid kvar tredje helg. Avdelinga har tilsette med høg og variert fagkompetanse. Som sjukepleiar har du ansvar for dagleg utføring av sjukepleiarprosedyrar, dokumentasjon, pleie og behandling for kvar einskild pasient og godt samarbeid med andre deler av helsetenestene.

Funksjonen som assisterande avdelingssjukepleiar inneber å vere stadfortredar for avdelingssjukepleiar ved m.a. ferieavvikling. I dette så ligg det ansvar for drift av avdelinga og oppfølging av tilsette. Me ynskjer å knytte til oss ein sjukepleiar med erfaring og/eller interesse for eldreomsorg og arbeid med personar med demenssjukdom.

I denne stillinga er det og viktig at du har eit ynskje om å arbeide med administrasjon og leiing. Det er ein fordel med gode datakunnskapar.

Kvalifikasjonskrav:

• Autorisert sjukepleiar. Vidareutdanning og/eller erfaring frå leiing, geriatri eller demens vil vere ein fordel.
• Personlege eigenskapar vil bli vektlagt.
• Den som vert tilsett må ha gode norskkunnskapar, både skriftleg og munnleg.
• Ved tilsetjing vert det stilt krav om at ein legg fram politiattest av ny dato.

Me kan tilby:

• Varierte arbeidsoppgåver i eit tverrfagleg fagmiljø
• Godt arbeidsmiljø
• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
• Løns- og arbeidsvilkår i samsvar med kommunalt avtaleverk

Offentlig tenestepensjon i KLP - Kort fortalt

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Kontaktperson: Avdelingssjukepleiar Solfrid Aasheim, tlf 53 45 45 05 eller 53 45 4511, eller einingsleiar Esther Aasen Bjelland, tlf 97 55 20 97