Key Account Manager for strategiske kundar - Telemark Bilruter

Vil du vere med og forme framtida til Telemark Bilruter?

Telemark Bilruter er i sterk utvikling og satsar offensivt på større og langsiktige kundeleveransar, med datasenteret i Fyresdal som ein sentral del av satsinga. No søkjer vi ein kommersiell og relasjonssterk kundeansvarleg som får eit strategisk ansvar for dei viktigaste kundane våre, og som vil bidra tett saman med leiargruppa i ein organisasjon i endring.

Som Key Account Manager for strategiske kundar blir du verksemda sitt viktigaste kontaktpunkt mot utvalde kundar. Du får eit heilskapleg ansvar for kundeforhold, kontraktar og resultat, og vil jobbe tett med drift, trafikkleiarar og leiargruppe for å sikre sømlause og lønsame leveransar. Rolla har eit tydeleg strategisk mandat, er ein del av verksemda si leiargruppe og er sentral for den vidare utviklinga av Telemark Bilruter.
 

Arbeidsoppgåver

• Hovudansvar for oppfølging og vidareutvikling av strategiske kundar
• Byggje langsiktige relasjonar og sikre ei profesjonell og sømlaus kundeoppleving
• Oppfølging og forhandling av avtalar, kontraktar og anbod (NS)
• Resultat- og budsjettansvar for eigne kundar 
• Koordinere leveransar på tvers av tenester i samarbeid med drift og trafikkleiarar
• Bidra til utvikling av eit meir profesjonelt sal- og kundeapparat
• Aktiv deltaking i leiargruppa og bidrag i strategiske spørsmål
   

Vi ser etter deg som har

• Erfaring med strategisk kundearbeid og langsiktige kundeforhold
• God kommersiell og økonomisk forståing
• Erfaring med kontraktar, forhandlingar og profesjonell kundedialog
• Strukturert arbeidsform og sterk gjennomføringsevne
• Evne til å koordinere komplekse leveransar
• Strategisk blikk og tryggleik i ei leiarrolle utan personalansvar

Vi tilbyr

• Ei strategisk nøkkelrolle i eit selskap med klare ambisjonar
• Moglegheit til å vere med og byggje og forme framtida til Telemark Bilruter
• Deltaking i verksemda si leiargruppe i ei strategisk nøkkelrolle
• Konkurransedyktige vilkår – kompetanse blir vektlagt
  
   

Arbeidsstad: Stillinga har Telemark som hovudnedslagsfelt, med kontorstader i Seljord og Skien. Det må reknast med noko arbeid frå Fyresdal.

For meir informasjon om stillinga er du velkomen til å ta kontakt med ein av rådgjevarane våre i Skagerak Consulting AS:
 

Linda Brusletto, Skagerak Consulting – 416 76 428 
Cathrine Svendsen, Skagerak Consulting – 926 06 601 

For å unngå bedrageriforsøk presiserer vi at vi aldri ber om BankID‑informasjon i søknadsprosessen.

Skagerak Consulting AS er eit unikt, tverrfagleg rådgjevingsmiljø. Vi jobbar med å utvikle menneske og organisasjonar for å skape varige forbetringar og verdiar i offentlege og private verksemder. Arbeidet vårt er basert på ein kombinasjon av dokumentert metodikk, praktisk erfaring og ein god porsjon sunn fornuft.

Les meir om Skagerak Consulting AS her: www.skc.no