Avlastar i eigen heim

Om stillinga

Ynskjer du eller familien din å dele noko av kvardagen med ein som treng det? Som privat avlastar kan du og familien din gjere ein stor forskjell i livet til eit barn eller ein ungdom og deira familie, kor barnet/ungdommen har ein funksjonsnedsetjing. Avlastninga vil skje i heimen din. 

Du skal gi omsorg og sørgje for trygge omgjevnader - vanlegvis ei helg i månaden, men dette kan variere etter behov. Du samarbeider med pårørande og barnet/ungdommen, og saman finn de ut kva for avlastningstid som passar best for dykk. 

Dette er ein jobb for deg som har ekstra omsorg å gje - og rom for eit barn eller ein ungdom som treng at du er tålmodig, roleg og strukturert. Det handlar om å gje pårørande i ein familie "eit lite pusterom", ved å gi barnet/ungdommen deira ei trygg hamn utanfor familien.

Som privat avlaster er du med å skape kvardagsmagi - og gje støtte der det trengst mest!

Arbeidsoppgåver

• Leggje til rette for positive opplevingar for barnet/ungdommen
• Bidra til sosialisering og utvikling
• Følgje opp behov for bistand i dagleglivet
• Vere ein trygg og god omsorgsperson
• Ha ein stabil livssituasjon
• Skape tryggleik og føreseielege rammer

Ønska kompetanse

• Erfaring frå arbeid med barn/unge med funksjonsnedsetjing er eit føremon
• Kunnskap om alternativ og supplerande kommunikasjon (ASK) er eit føremon

Aktuelle søkjarar blir kontakte fortløpande.

Kven er du?

• Du er tålmodig, omsorgsfull og god til å setje grenser
• Du er tydeleg i kommunikasjonen og trygg i rolla di

Personleg eignaheit vil bli ilagt stor vekt

Me tilbyr

• Ein meiningsfull jobb der du kan gjera ein konkret forskjell i livet til barn/unge og deira familie.
• Du formar sjølv arbeidsdagen eller helga di, og kan kombinere oppdraget med eige familieliv
• Oppdragsavtale; dette gjer moglegheit å ha 100% fast tilsetjing i Alver kommune i tillegg
• Utgiftsdekning etter avtale i samsvar med særavtale SGS - 1030  
• Du kan få rettleiing 
• Avlønning etter gjeldande særavtale

Me er Alver

Me får vere der frå aller fyrste stund, og vi får følgje deg gjennom livet!

. Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede

Om Habiliteringstenesta 

Habiliteringstenester i Alver kommune gjev tenester til personar med nedsett funksjonevne/
utviklingshemming. Tenestene vert gitt i den einskilde sin heim, ved arbeids- og aktivitetsenter, 

og som ulike former for avlasting for familiar med born/unge med omfattande behov for omsorg. Inn under habiliteringstenestene finn ein også støttekontaktteneste og koordinatorar for Individuell Plan.