Fagkonsulent

Informasjon om stillinga og arbeidsplassen

Spesialiserte fosterheimar i Region vest, avd. Vestland, har ledig ei fast 100% stilling som familiekonsulent. Vi søkjer deg som har eit engasjement og eit ynskje om å vera med å gje eit ekstra bidrag til at born, ungdom og familiar vert ivaretekne på ein god og utviklande måte. 
 
Eininga Spesialiserte fosterheimar i Region vest har 3 avdelingar: Vestland, Haugesund og Stavanger. Den ledige stillinga høyrer til i avd. Vestland. 

Du vil få arbeidsstad i Sogndal, og må også pårekne nokre arbeidsdagar i Bergen.

Dette får du arbeide med hos oss

• Du får følgje opp og rettleiing av spesialiserte fosterheimar.
• Du får følgje opp born og ungdom frå inntak til utflytting.
• Du vil få eit tett samarbeid med omsorgskommune, foreldre, skule, PPT/OT, BUP m.fl.
• Du skal rettleie og gje opplæring til spesialiserte fosterheimar gjennom bruk av modellar som EFST, Traumebevisst omsorg og COS.
• Du vil få delta i fagleg utviklingsarbeid i avdelinga.
• Du skal systematisk dokumentera arbeidet i våre ulike fagsystem. 
• Du vil få mogelegheit til å bistå i arbeid med rekruttering og opplæring av nye spesialiserte fosterheimar.
  

Kva slags bakgrunn har du? 

• Det er krav om fullført bachelorgrad innan helse- og sosialfagleg høgskuleutdanning som barnevernpedagog, sosionom, eller vernepleiar.
• Det er ønskjeleg med rettleiarutdanning og -kompetanse.
• Det er ønskjeleg med fagleg relevant vidareutdanning tilsvarande 60 stp.
• Du bør ha erfaring frå arbeid med born og ungdom gjennom fosterheimsarbeid eller institusjonsarbeid, arbeid i barneverntenesta eller tilsvarande relevant erfaring.
• Du bør ha god kunnskap om barns utvikling, traumar og konsekvensar av desse.
• Du bør ha god kunnskap i teori om tilknytning og samspill mellom born og omsorgspersonar.
• Det er ønskjeleg med kunnskap om, og erfaring frå arbeid med TBO.
  

Kven ser vi etter?

Vi ser spesielt etter deg som: 

• Har evne til fleksibilitet og omstilling.
• Har gode sosiale evner.
• Har evne til å arbeide sjølvstendig og strukturert.
• Har evne til å samarbeide i team, og til å sjå eiga rolle og betydningen av ditt bidrag i teamet.
• Har god munnleg og skriftleg framstillingsevne.
• Har ei positiv innstilling og som ser etter gode løysingar.
• Tåler å stå i utfordringar over tid, med varierte oppgåver.

 

Kva får du hos oss?

• Stillinga er plassert i statleg lønnsregulativ i stillingskode 1495 barnevernpedagog, 1494 sosionom og 1508 vernepleiar, p.t. kr. 435 600 - 593 500 (l.tr. 45-64), 1510 spesialutdanna barnevernpedagog, 1185 spesialutdanna sosionom og 1509 spesialutdanna vernepleiar, p.t. kr. 493 700 - 636 700 (l.tr. 53-68), eller 1496 klinisk barnevernpedagog, 1173 klinisk sosionom, p.t. kr. 501 200 - 636 700 (l.tr.54-68).
• Løn og stillingskode vert vurdert etter utdanning og erfaring.
• Ved særskilt kvalifiserte søkjarar kan høgare løn vurderast.
• Medlemskap i Statens pensjonskasse jf. Lov om Statens pensjonskasse, som inneber ei god tenestepensjonsordning, og moglegheit for bustadslån til konkurransedyktige vilkår, samt yrkesskade- og gruppelivsforsikring.

 

I tillegg kan vi tilby:

• Eit engasjert og spanande fagmiljø med fokus på fagutvikling.
• Fleksibel arbeidstid innanfor bestemte rammer.
• Mogelegheit til å trene inntil ein time i veka i arbeidstida.
• Sosiale tiltak saman med gode kollegaer.
• Anledning til å vera med å løfte avdelinga og å kjenne verdien av å kunne gje born og unge og deira familiar eit endå betre tilbod.

 

• Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv.
• Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
• Stillinga er for tida lagt til Spesialiserte fosterhjem Region vest, avd. Vestland.
• Politiattest må framleggast ved eventuell tilsetting, jf lov om barnevern § 12-11 andre ledd, og forskrift om politiattest § 7. Denne attesten skal ikkje leggast med søknaden.
• Søknad med CV skal sendast elektronisk via lenke på denne sida.
• Vitnemål og attester med bekrefta stillingsstorleik og varigheit skal takast med ved eit eventuelt intervju.
  

Kontaktinformasjon

Alice Tunestveit, 46618902

Arbeidssted

Parkvegen 5
6856 Sogndal

Nøkkelinformasjon:

Arbeidsgiver: Bufetat

Referansenr.: 4639369877
Stillingsprosent: 100%
Fast
Søknadsfrist: 10.04.2023