Traineestillingar for helsefagarbeidar 

Dette er stillinga for deg som likar utfordringar og som vil bli ein så god helsefagarbeidar som mogleg.
 
Som traineehelsefagarbeidar blir du tilsett i 100% fast stilling i Helse Bergen og deltar på traineeprogrammet dei to første åra av stillinga. I 2022 starta Helse Bergen traineeprogram for helsefagarbeidarar. 

I traineeprogrammet følger du eit fagleg program. Du vil få fellesopplæring og kurs når du startar, og fleire fagdagar og ​rettleiing undervegs i programmet. Fagdagane gir deg mellom anna teoretisk og praktisk opplæring i ulike prosedyrar.

Traineeprogrammet er delt inn i tre arbeidsperiodar, kvar på 8 månader ved ulike einingar (Medisinsk, Kirurgisk, Ortopedisk, Nevrologisk, kreft -klinikken eller/og Psykiatri/Rus). Målet er at du skal få arbeidserfaring ved tre ulike fagområde. Etter at programmet er ferdig, har du framleis 100% fast stilling i Helse Bergen, og saman med deg finn vi kva for ei avdeling du skal tilhøyre. Det kan ​vere ei avdeling du allereie har vore på, i Bemanningssenteret eller ved ei anna avdeling.

Korleis verkar det i praksis?  Som traineehelsefagarbeidar vil du følge den ordinære opplæringa ved avdelinga du arbeider på, og få same oppfølging som blir gitt til nytilsette helsefagarbeidarar ved denne avdelinga. Traineestillingane går inn i den daglege drifta ved avdelinga og i deira arbeidsplanar. Vanlegvis vil det seie 3-delt turnus (vakter: dag, kveld og natt) samt helg- og høgtidsarbeid.

Gjennom traineeordninga vil vi gi deg som helsefagarbeidar god breiddekompetanse og strukturert opplæring i kliniske oppgåver. Den varierte arbeidserfaringa gir deg unik kunnskap innan fleire fagfelt, og eit solid fundament for å bli ein dyktig helsefagarbeidar i spesialisthelsetenesta.

Oppstart i programmet vil vere frå 15. juni 2026. Du må pårekne å jobbe samanhengande 6 veker i perioden vekene 25-34.

Legg ved karakterutskrift og 2 referansar frå nokon som har vurdert deg i praksis eller lønt arbeid. 

For å lese meir om traineeprogrammet for helsefagarbeidarar og kven det passar for, følger du denne lenka: traineeprogram-for-helsefagarbeidarar

Vi trur at det vil vere ein fordel om du:

• Har engasjement for fagfeltet/pasientgruppa og ønsker å vidareutvikle kompetansen din
• Behandlar pasientar profesjonelt og empatisk, er imøtekommande og viser respekt
• Bidrar positivt til eit fagleg og kollegialt godt miljø
• Har gode samarbeidsevner, er arbeidsvillig og initiativrik

Du må:

• Ha eller vil få norsk autorisasjon som helsefagarbeidar innan sommaren 2026
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare

Vi tilbyr deg:

• Ein arbeidsplass med høg fagleg standard
• Eit tverrfagleg arbeidsmiljø med fokus på fagleg og personleg utvikling
• Lønn i samsvar med gjeldande overeinskomst
• Gode pensjons- og forsikringsordningar
• Du vil inngå i drifta ved avdelinga
• Du vil delta i eit tverrfagleg samarbeid om å gje pasientar og pårørande eit best mogleg opphald på avdelinga

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Mari Pedersen, Seksjonsleiar Trainee, Bemanningssenteret, +47 93878352

Arbeidsstad

Haukelandsveien 22
5009 Bergen

Nøkkelinformasjon:

Arbeidsgivar: Helse Bergen HF

Referansenr.: 5069212461
Stillingsprosent: 100%
Fast
Søknadsfrist: 08.02.2026