Avdelingsleiar for samfunnsfag

Vi søker etter ein pedagogisk avdelingsleiar med ansvar for samfunnsfag, både programfag og fellesfag. Vi søker ein tydeleg og utviklingsorientert leiar med gode relasjonsferdigheiter. 

Som avdelingsleiar inngår du i rektor si leiargruppe. Du vil ha personalansvar for avdelinga sine medarbeidarar og vere ansvarleg for avdelinga si faglege utvikling gjennom samarbeid med det pedagogiske teamet i leiargruppa. Pedagogisk utviklingsarbeid kan handle om vurdering, prosjekt som Yrkesretta ST, inkluderande klasserom og generell fagleg utvikling. Du har ein åpen, inkluderande og samarbeidande leiarstil, er oppteken av å skape godt læringsmiljø og gode læringsresultat for skolen sine elevar. Den som blir tilsett må vere motivert for utviklingsarbeid og vere budd på endringar, både i eigen portefølje og organisatorisk. Andre fag kan også vere aktuelle inn i avdelinga.
Molde vidaregåande skole er ein utviklingsorientert skole som gjer elevane i regionen førebudd på studielivet og arbeidslivet. Med kompetente og dyktige tilsette arbeider skolen for at elevane skal oppleve å lukkast i utdanninga. Vi er rundt 750 elevar og om lag 80 tilsette fordelt på seks utdanningsprogram:
Studiespesialisering
Studiespesialisering med toppidrett
Innovasjon og leiing (IL)
Musikk, dans og drama (MDD)
Kunst, design og arkitektur (KDA)
VG3 påbygging til studiekompetanse (PB4)
Vaksenopplæring
Ved Molde vgs er vi opptekne av å gi elevane god opplæring i eit godt skolemiljø. Inkluderande klasserom, relasjonsbyggande aktivitetar, Erasmus+, Yrkesretta ST og karrierelæring er blant satsingsområda våre. Plasseringa i sentrum av Molde gjer det enkelt å utforske regionen i skolekvardagen.

Arbeidsoppgåver

• vere ein del av rektor si leiargruppe og skolens pedagogiske leiarteam
• vere pedagogisk leiar for samfunnsfaga og ev. andre fag, med ansvar for faglig og pedagogisk utvikling
• ha personalansvar for om lag 20 tilsette
  
• utvikle gode arbeidsmiljø for tilsette, og utøve god personalleiing
• utvikle pedagogiske profesjonsfellesskap i eiga fagavdeling
• bidra til å utvikle leiargruppa og jobbe i team med skoleadministrative oppgåver
• utvikle skolen som regional utviklingsaktør og vidareutvikle samarbeidet med eksterne aktørar
• øvrige arbeidsoppgåver og avdelingsoverskridande ansvarsoppgaver må påreknast
• om lag 25% undervisning og deltaking i profesjonsfellesskap er ein del av stillinga

Kvalifikasjonar

Vi søkjer deg som:

• har relevant høgare utdanning og pedagogisk kompetanse innanfor fag som høyrer til skolens utdanningsprogram
• gjerne har leiarutdanning, leiarerfaring frå og god innsikt i utvikling og drift av vidaregåande opplæring
• har undervisningserfaring
• har kunnskap og erfaring frå utdanningsorganisasjonar med administrativ og fagleg kompleksitet
• har god skriftlig og munnleg kommunikasjonsevne
• har evne til å arbeide strategisk, analytisk, systematisk og målretta
• har god digital kompetanse
  

Svært relevant realkompetanse kan kompensere for utdanningskrav. Personlege eigenskapar vert vektlagt.

Personlege eigenskapar

Den vi søkjer har:

• god relasjonskompetanse og evne til å møte menneske i ulike livssituasjonar på ein god måte
• har gode kommunikasjonsevner med evne til å skape gode relasjonar og engasjement
• er tydeleg, og har god formidlingsevne, både munnleg og skriftleg
  
• er serviceinnstilt, og har gode samarbeidsevner
• er ein lagspelar, men jobbar også godt sjølvstendig
• har evne til å arbeide analytisk og strukturert
• er fagleg trygg og likar å vere ein synleg ambassadør på sine fagområde
• er løysingsorientert, strukturert, effektiv og handlekraftig 
  

Det vert lagt vekt på personlege eigenskapar.

Vi tilbyr

• eit pedagogisk og faglig miljø i utvikling
• eit inkluderande og raust kollegium
• gode pensjonsvilkår
• løns- og arbeidsvilkår etter lov- og avtaleverk

 

 

 

 

 

 

Kontaktinformasjon

Berg Celia, Rektor, +47 99780722

Arbeidsstad

Øvre veg 23
6413 MOLDE

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5060890154
Stillingsprosent: 100%
Fast
Søknadsfrist: 23.02.2026