Avdelingsleiar ved Tu skule i Klepp kommune

Er du ein engasjert leiar som ønskjer å bidra til å opna elevane sine dører mot verda og framtida? Då kan dette vera stillinga for deg! Tu skule treng avdelingsleiar i 100 % fast stilling.  

Tu skule er ein PALS-skule med 235 elevar fordelt på 1.-7. trinn. Gjennom vår visjon «Med blikk for alle» har me eit sterkt fokus på inkludering, ansvar, omsorg og respekt kor elevane skal oppleva meistring og læring i eit trygt miljø. Me har eit læringsorientert profesjonsfellesskap med dyktige tilsette, godt arbeidsmiljø og velfungerande system. Tu skule er sertifisert som dysleksivenleg.   

Skulebygningen er moderne og tilpassa lærar- og elevkvardagen med rom og utstyr som legg til rette for variert undervisning. Me har satsa på profesjonsfagleg digital kompetanse i fleire år. Skaparverkstaden vår gir rom for skaparglede, engasjement og utforskartrong. Tu skule held fram med den digitale satsinga saman med fokus på munnlege ferdigheiter. Dette er i tråd med Klepp kommune sine satsingar i skulesektoren.  

Skulen har eit positivt elevmiljø, og me samarbeider med føresette og andre instansar gjennom Kleppmodellen. Tu-krinsen har også eit velfungerande samarbeid gjennom «Partnerskap mot mobbing».  

Ønskjer du å vera med å leia skulen vår, og gjera ein forskjell for elevane våre? Då vil me høyra frå deg! 

Du vil inngå i leiarteamet saman med rektor og avdelingsleiar. Stillinga er tillagt minimum 50 % leiing og inntil 50 % undervisning, tilpassa din kompetanse og erfaring for å komplettera leiarteamet vårt. Det er fleksibilitet kring oppstartsdato, men aller helst våren 2024. Ikkje nøl med å ta kontakt med rektor, Vibeke Sola på tlf. 40288726 eller mail: vibeke.sola@klepp.kommune.no, for spørsmål eller meir informasjon. 

Arbeidsoppgåver

• Følgja opp elevane si faglege og sosiale utvikling.  
• Ta del i leiing av skulen sitt utviklingsarbeid. 
• Bidra til utvikling av eit godt læringsmiljø for elevar og tilsette. 
• Samarbeid med føresette og andre instansar. 
• Ansvar for administrative oppgåver. 
• Personaloppfølging 
• Vikarhandtering 
• Undervisning 
• Andre oppgåver kan bli tillagt stillinga- ut frå skulen sitt behov og kompetanse i leiarteamet.  

Kvalifikasjonar

• Godkjend undervisningskompetanse for grunnskulen. 
• Rektorskulen eller anna leiarutdanning, eventuelt ønskje om å ta vidareutdanning innan to år. 
• Leiarerfaring  
• Gode ferdigheiter innan bruk av digitale verktøy. 
• God skriftleg og munnleg framstillingsevne (nynorsk er målform for administrasjonen og skulen). 
• I denne stillinga er det krav om eigenerklæring for tuberkulose før du tiltrer stillinga. 
• I tråd med Opplæringslova er tilfredsstillande politiattest ein føresetnad for tilsetting. 

 

Personlege eigenskapar

Me søkjer deg som har utstrakte samarbeidsevner og er fagleg sterk, som elles evner å:  

• Byggja relasjonar. 
• Setja elevane si læring og utvikling i fokus.  
• Vera tydeleg og raus. 
• Motivera tilsette og elevar til å skapa eit trygt og godt lærings- og arbeidsmiljø.  
• Arbeida strukturert. 
• Kombinera administrativ og pedagogisk leiing.  
• Ta avgjerder og vera lojal. 
  
  Personlege eigenskapar vert tillagt stor vekt. 
  

Me tilbyr

• Eit framoverlent profesjonsfellesskap. 
• Løn etter gjeldande avtaleverk. 
• Pensjon i Statens pensjonskasse. 

 

Me ser fram til å høyra frå engasjerte søkjarar som ønskjer å bli ein del av Tu skule sitt profesjonsfellesskap.  

Klepp kommune ber om at all relevant dokumentasjon vert lasta opp i webcruiter.  

Kontaktinformasjon

Vibeke Sola, Rektor, +47 40288726

Arbeidsstad

Lalandsvegen 141
4353 Klepp Stasjon

Nøkkelinformasjon:

Arbeidsgivar: Klepp kommune

Referansenr.: 4877984672
Stillingsprosent: 100%
Fast
Søknadsfrist: 12.11.2024