Ledig stilling

Lærdal kommune Bu- og miljøtenesta

Øyraplassen 7, 6887 Lærdal, Hjemmekontor ikke mulig

Om jobben

Stillingstittel: 100% miljøarbeidarstilling i bu- og miljøtenesta
Type ansettelse: Fast, heltid 100%
Arbeidstid: Turnus
Arbeidsspråk: Norsk
Antall stillinger: 1

Søk på jobben

Søk senest søndag 3. august

I Lærdal bur me ikkje meir enn rundt 2 200 menneske, men jammen skjer det mykje her! Store marknadar, musikkfestival, matfestival, gytefestival (Du får berre googla), varierte konsertar, motbakkeløp, terrengløp, fotballcup med gamle stjerner, vårfest og mykje anna.Me har majestetiske fjell med eit vel av fantastiske turalternativ både til fots og på ski, masse fiskevatn og gode jaktmoglegheiter.Så har me eit koseleg sentrum heilt ned til fjorden med gamle, søte trehus. Opp frå sentrum - mellom desse fjella og midt mellom Oslo og Bergen - breier dalen seg lang og temmeleg flat austover. Her dyrkar dyktige bønder poteter, grønsaker, bær og frukt i rikt monn. Kommunen vår er faktisk veldig sentralt plassert – det er tre timars køyring til Bergen ein veg, fire timars køyring til Oslo andre vegen og innanfor ein time reiseveg ligg spennande nabokommunar, som «bygdebyen» Sogndal og turistmagneten Aurland. Og så har me lokalsjukehus i randsona av Lærdalsøyri. Om du bur her frå før og visste alt dette eller ikkje, så er du truleg på jobbjakt – sidan du les desse. Og viss eit årsvikariat i bu- og miljøtenesta er aktuelt, har du all grunn til å lesa vidare.

Me har ledig 100 % fast stilling som miljøarbeidar. Stillinga er turnus, med for tida arbeid kvar 4. helg. Tenesta har årsturnus som mellom anna inneheld langvakter.

Kvalifikasjonskrav til søkjar:

hjelpepleiar/helsefagarbeidar med autorisasjon
assistentar utan spesielle kvalifikasjonar, men gjerne erfaring frå liknande arbeid

Arbeidsoppgåver er mellom anna:

praktisk og personleg oppfølging i daglege gjeremål
primærkontaktansvar

Personlege eigenskapar:

gode samarbeidsevner
evne til fleksibilitet
er ansvarsbevisst og lojal
bidra til eit godt arbeidsmiljø

Me kan tilby:

ein spennande og utfordrande jobb med varierte arbeidsoppgåver
godt arbeidsmiljø
opplæring og rettleiing
eit bra fagmiljø med mykje kompetanse
betalt matpause

Arbeidstid:

Turnusen er hovudsakleg langvakter og arbeid kvar 4.helg, men det kan koma til ekstra helgearbeid i arbeidsperioden.

Lønnsvilkår:

Lønn etter tariff med 2 % pensjonsinnbetaling til KLP

Det kan nemast at Lærdal kommune mellom anna har:

Full barnehagedekning
Gratis fulltids-SFO for 1.klassingar, gratis deltids-SFO heilt til 3.klasse
Gratis kommunale bustadtomter rett ved Borgund sentrum
Eit variert kommunalt kulturprogram i tillegg til alt det andre som skjer i bygda

Les meir om Lærdal ved å klikka på denne lenkja
Link til søknadsskjema: Søk her

Kontaktperson for stillingen

Anne Kari Hagen

Konst.einingsleiar

91584393

anne.kari.hagen@laerdal.kommune.no

Om bedriften

I Lærdal kan du leva det gode liv saman med 2 200 andre lærdøler. Vår vakre bygd inst i Sognefjorden ligg midt mellom Oslo og Bergen . Store fjell- og utmarksområde byr på eit aktivt friluftsliv. Lærdal er ei kulturbygd med ein rik kulturarv. Vi kan nemne Borgund stavkyrkje, dei historiske vegane og gamle Lærdalsøyri.

Sektor: Offentlig

Del annonsen

Annonsedata

Rapporter annonse

Stillingsnummer: a2d49aed-524d-4f94-b973-22bdf984790a
Hentet fra: visma-easycruit
Referanse: 3518721_228181_nn