Rådgjevar økonomi og strategi – bustadsosialt arbeid

Bustadkontoret i Kinn kommune har ansvar for å samordne kommunen sitt boligsosiale arbeid og forvaltning av kommunale bustader. Kontoret fungerer som kommunen si sentrale eining for tildeling, forvaltning og utvikling av kommunale bustader, med særleg vekt på vanskelegstilte på bustadmarknaden, kvalitet i tenestene og tett tverrfagleg samarbeid. Bustadkontoret har totalt 12,9 årsverk.

Vi har ledig 100 % mellombels stilling i 1 år – med moglegheit for forlenging
Vil du arbeide i skjæringspunktet mellom analyse, forvaltning og samfunnsutvikling?
Kinn kommune søker ein rådgjevar som vil bidra til å utvikle og styrke det bustadsosiale arbeidet i kommunen. Stillinga ligg i tenesteområdet Bustad og har ei sentral rolle i arbeidet med økonomi, analyse og utvikling.
Det bustadsosiale arbeidet i Kinn er samla i ei eining som arbeider både med oppfølging av og i bustadar, og forvaltning av verkemiddelapparatet. Vi jobbar tett på både enkeltmenneske og dei systema som skal sikre gode bustadløyvingar i kommunen.
I 2022 fekk Kinn kommune IMDIs busettings- og integreringspris. Busetting av flyktningar er ein viktig del av arbeidet vårt, og gjer at fagfeltet er i stadig utvikling.
Vi ser etter deg som likar å gå ned i detaljane – analysere, forstå og systematisere – og som evnar å løfte innsikta vidare til struktur, system og strategiske vurderingar.

Arbeidsstad kan avtalast, med valfri kontorplass i kommunen. Du må pårekne reise mellom lokasjonane etter behov.

Arbeidsoppgåver

• økonomisk analyse og oppfølging av drift og prosjekt
• rapportering og økonomioppfølging innan ansvarsområdet
• oppgåver innan forvaltning og sakshandsaming
• bidra i prosjekt- og utviklingsarbeid innan bustadsosialt arbeid

Andre oppgåver kan bli lagt til stillinga ved behov.

Kvalifikasjonar

• mastergrad innan relevant høgare utdanning, til dømes innan økonomi, samfunnsfag eller offentleg administrasjon
• gode digitale ferdigheiter og interesse for nye verktøy, inkludert KI
• erfaring frå analyse, sakshandsaming eller offentleg forvaltning er ein fordel
• Nyutdanna blir også oppmoda til å søke

Personlege eigenskapar

Vi legg særleg vekt på at du:

• arbeider analytisk og strukturert
• kan omsette analyse og innsikt til systemforståing og strategiske perspektiv
• har interesse for bustadsosiale spørsmål på samfunnsnivå
• omstillingsdyktig, samarbeider godt og kommuniserer tydeleg
• Kan starte raskt i jobben

Vi tilbyr

• eit fagfelt i utvikling med stor samfunnsverdi
• eit tverrfagleg og engasjert arbeidsmiljø
• moglegheit til å arbeide både operativt og strategisk
• fleksibel arbeidstid
• løn etter avtale og gode pensjonsordningar i KLP
• Oppstart: så snart som mogleg

Kontaktinformasjon

Gjermund Veka, Tenesteleiar Bustad, +47 90601142

Arbeidsstad

Gate 1 64
6700 Måløy

Nøkkelinformasjon:

Arbeidsgivar: Kinn kommune

Referansenr.: 5097926679
Stillingsprosent: 100%
Engasjement
Søknadsfrist: 26.04.2026