Tannlege

Solheimsviken klinikkområde søker tannlege til 100 % fast stilling. Stillinga er ledig frå 01.06.2026.

Vestland fylkeskommune har ansvar for den offentlege tannhelsetenesta i fylket. Vårt samfunnsoppdrag er å levere tenester av høg kvalitet til våre innbyggarar og dette løyser vi gjennom samarbeid, førebygging og god klinisk praksis. Vi behandler hovudsakleg prioriterte pasientgrupper, men tar også i mot vaksne, betalande pasientar.

Vi har ein unik kompetanse, tilbyr spesialistbehandling og driv fagleg utvikling og forsking. Gjennom vårt førebyggjande arbeid, forsking og behandling legg vi grunnlaget for god folkehelse i Vestland.Vi er om lag 550 tilsette fordelt på 55 tannklinikkar, ein intern fagstab og vårt kompetansesenter, TkVestland.

Tenestestad er delt mellom Solheimsviken tannklinikk (20 %) og Viken tannklinikk (80 %). Solheimsviken tannklinikk har 17 tilsette; 7 tannlegar, 3 tannpleiarar og 7 tannhelsesekretærar. Viken tannklinikk har 10 tilsette; 4 tannlegar, 2 tannpleiarar og 5 tannhelsesekretærar. Klinikkane er sentralt plassert på Danmarksplass nær bybanestopp og anna kollektivtransport, og ligg i kort gåavstand frå kvarandre. Per no har Viken tannklinikk hovudsakleg ansvar for unge vaksne og studentar, men dette kan endrast på sikt. 

Arbeidsoppgåver

• Du utfører klinisk arbeid for alle pasientgrupper.
• Du held deg fagleg oppdatert og følger gjeldande lover og retningslinjer for evidensbasert behandling, samt
  jobber for å nå måla til Vestland tannhelseteneste.
• Du deltar i HMS-arbeid og kvalitetsutvikling, samt andre felles oppgåver for drift av klinikken.

Kvalifikasjonar

• Norsk autorisasjon som tannlege
• Behersker norsk som arbeidsspråk, skriftleg og munnleg
• Godkjend politiattest

Personlege eigenskapar

Du likar å arbeide med menneske og har alltid pasienten i fokus.

Du kan samhandle med ulike pasientgrupper. Du kommuniserer godt og har evne til å skapa gode relasjonar til pasientar, pårørande, kollegaer og andre samarbeidspartar. Du trivst med å jobbe i team og er aktivt med på å skape eit godt arbeidsmiljø.

Du arbeider systematisk, strukturert og planmessig for å nå måla våre.

Du er nysgjerrig og interessert i fagleg utvikling, du deler også kompetanse med andre.

Vi tilbyr

• Ein meiningsfull, samfunnsnyttig og variert arbeidskvardag med pasientar i alle aldrar
• Eit arbeidsmiljø med høg fagleg kompetanse
  
• Etterutdanning og kurs for fagleg og personleg utvikling
• Løn etter avtale, for nyutdanna er årsløna for tida kr 660.000,-
• Gode offentlege pensjons - og forsikringsordningar
  
  

Kontaktinformasjon

Martine Aksnes-Aarlie, Fung klinikkleiar, 90036717, martine.aksnes-aarlie@vlfk.no

Arbeidsstad

Solheimsgaten 23
5054 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5109129477
Stillingsprosent: 100%
Fast
Søknadsfrist: 26.04.2026