Har du lyst til å vere ferievikar i Bu og habilitering i sommar?

Vi søkjer etter deg som har fylt 18 år og har lyst på ein meningsfull sommarjobb. I tidsrommet 15. juni - 16. august kan vi tilby deg inntil 100 % stilling som ferievikar i Bu og habilitering i Volda kommune. Vi treng vikarar ved Sevrinhaugen 1 og 3, Kleppevegen/ Doktorhaugen, Bømarka og ved Verslavegen 2 i Hornindal. I tillegg treng vi vikarar ved Blåbærhaugen til ulike bu- og avlastningstiltak for barn og unge med utviklingshemming. Det er også behov for vikarar i dagtilbodet ved Hamna dagsenter.

Vi ber deg skrive i søknaden litt om deg sjølv, når i perioden du kan arbeide og om du har særskilt ynskje om arbeids stad. 

For studentar innan sjukepleie, vernepleie og medisin, kan kommunen tilby stipend på kr. 10.000,- per år. For dei som får sommarjobb i Hornindal er stipendet kr 20.000,-. For å få utbetalt stipend må du vere budd på å jobbe minimum 80% stilling i minst 6 veker i hovedferien. Søknadsskjema: https://skjema.volda.kommune.no/skjema/VOL181/Sknad_om_kompetansemidlar_til_utdanning 

Søkjarar som kan arbeide heile perioden vert prioriterte.

Arbeidsoppgåver

• Miljøarbeid og praktisk bistand for vaksne med utviklingshemming, og andre hjelpebehov
• Bistå og tilrettelegge for brukarane sine gjeremål ut frå vedtak og tiltaksplanar
• Jobbe for at brukarane skal oppleve ein kvardag der behova for tryggleik, meistring og
  brukarmedverknad vert ivaretatt
  
• Det er arbeid i ulike stillingsprosentar i turnus, kor du kan arbeide dag, kveld, natt og helg. 
  

Kvalifikasjonar

Vi treng både sjukepleiarar, fagarbeidarar og assistentar 

• Søkjarar må ha fylt 18 år og må ha gyldig arbeids- og oppholdsløyve
• Søkjarar må meistre flytande norsk munnleg og skriftleg
• Relevant praksis er ynskjeleg
• Førarkort klasse B
• Før oppstart i stilling må ein framlegge tilfredsstillande politiattest, og eigenerklæring i høve
  tuberkulose.
  

Personlege eigenskapar

Våre ferievikarar må:

• Ta ansvar
• Ha gode samarbeidsevner og fremme delingskultur
• Vere strukturert, fleksibel og kan jobbe sjølvstendig
• Vere engasjert, ha godt humør og bidra til eit positivt fellesskap
• Vere løysingsorientert og ha gode haldningar

Personlege eigenskapar vil bli vektlagt. Vi legg også vekt på lojalitet til Volda kommune sine verdiar: RAUS -
MODIG - KOMPETENT - LÆRANDE

Vi tilbyr

Som ferievikar hos oss får du ein variert arbeidsdag i lag med mange kjekke medarbeidarar! Du får møte mange nye menneske og får med deg ei god erfaring vidare i arbeidslivet. 

Framlegging av vitnemål og attestar saman med søknaden er ein føresetnad for best mogleg sakshandsaming. Tilsetjing skjer elles på dei vilkår og med dei rettar som går fram av gjeldande tariffavtalar og kommunale reglement. Vi ber også om at søkjarar oppgir namn og kontaktinformasjon til referansar i søknaden. 

I tillegg til stipendordning tilbyr Volda kommunen fylgjande lønsnivå til studentar innan helse- og sosialfag og medisin;
Sjukepleie- sosionom-, barnevern- og vernepleiestudent utan autorisasjon: 431 300,-  (ferdig med 1 år, 60 stp*)
Sjukepleie-, sosionom-, barnevern- og vernepleiestudent utan autorisasjon: 456 700,- (ferdig med 2 og 3 år, 120 og 180 stp*) 
Medisinstudentar - ferdig med 2 år (120 stp*): 431 300,-
Medisinstudentar - ferdig med 4 år (240 stp*): 456 700,-
* For å få utbetalt denne løna må dokumentasjon på fullført studieår vere innlevert innan utgangen av engasjementet.

Tilsettingar vert gjort fortløpande.

Kontaktinformasjon

Annette Vatne, Seksjonsleiar Sevrinhaugen, 94854243, annette.vatne@volda.kommune.no
Monika Mierzejewska, Seksjonsleiar Kleppevegen, 90891358, monika.mierzejewska@volda.kommune.no
Liv Bente Grothaug, Seksjonsleiar Hamna, 48061154, liv.bente.grothaug@volda.kommune.no
Merete Aam Ramstad, Konst.seksjonsleiar Blåbærhaugen, 94814327, merete.aam.ramstad@volda.kommune.no
Ivar Sørgård, Seksjonsleiar Verslavegen, 94814327, ivar.sorgard@volda.kommune.no
Gry Egset Eriksen, Konst. seksjonsleiar Bømarka, 47872195, gry.egset.eriksen@volda.kommune.no
Reidun Elisabeth Sandnes, Avdelingsleiar Bu og habilitering, reidun.elisabeth.sandnes@volda.kommune.no

Arbeidsstad

Kleppevegen 1
6102 Volda

Nøkkelinformasjon:

Arbeidsgivar: Volda kommune

Referansenr.: 5048909125
Stillingsprosent: 100%
Vikar
Startdato: 22.06.2026
Sluttdato: 16.08.2026
Søknadsfrist: 31.03.2026