Prosjektleiar i «Sats på Skjåk»

Vil du jobbe med tilflytting, rekruttering og verdiskaping i ei av Noreg sine mest allsidige og ressurssterke fjellkommunar? Skjåk kommune har eit ledig engasjement i 100% stilling som prosjektleiar for prosjektet "Sats på Skjåk". Prosjektleiar vil fungere som ein bygdeutviklar. Stillinga er ledig frå dags dato og i eitt år fram i tid, med moglegheit for forlenging.

Vil du ha ein variert arbeidskvardag med mange ulike oppgåver og aktivitet? Er du god på å sette retning, samarbeide, organisere og få ting gjort? Vil du ha ein prosjektleiarjobb med meining - der du får brukt dine evner og kompetanse, og der ditt bidrag kan sette spor og gje ei retning for framtida? Om du kjenner deg att i dette dette kan du vere den vi ser etter.

Oppgåver

• Arbeide med bu- og blilyst

• Kommunikasjon og marknadsføring

• Leggje til rette for digital deltaking og informasjon for utflytta skjåkværar og andre som er interessert i Skjåk

• Skape strukturar og system for varig digital relasjonsbygging

• Forvalte prøvebuordninga

• Samarbeid med næringslivet

• Ta aktiv del i prosjektet "Bli hjå oss"

• Koordinere og vere ansvarleg for oppfølging av måla i "Sats på Skjåk"

• Søke nye midlar til ytterlegere tiltak for vidareføring av arbeidet

Kvalifikasjonar

• Kunnskap og ferdigheiter innan moderne marknadsføring og kommunikasjon

• Gode kommunikasjons- og samarbeidsevner

• Strukturert, ryddig og organisert med god gjennomføringsevne

• Evne til å utføre mange ulike oppgåver parallelt

• Fleksibel og utviklingsorientert

• God munnleg og skriftleg framstillingsevne, (Skjåk Kommune har nynorsk som administrasjonsspråk)

Vi vektlegg at du har

• Relevant utdanning frå fagskule eller høgskule / universitet

• Vi er generelt opne for at det er kan vere mange ulike erfaringar og bakgrunnar som kan vere nyttige og relevante i denne stillinga, men felles er at ein må vere god på å kommunisere med ulike folk, på å leie og organisere - og på gjennomføring. Søkjar må også vera særs motivert for arbeidet.

• Personlege eigenskapar vil bli vektlagt

Skjåk kommune kan tilby

• Ein spennande jobb i eit utviklingsorientert lokalsamfunn og organisasjon

• Store moglegheiter til å utforme eigen arbeidskvardag og stilling samt personleg og fagleg utvikling

• Tilsetting på kommunale vilkår med løn etter avtale

• Pensjonsordning KLP

• Kommunen kan hjelpe til ved behov for bustad

Prosjektleiar vil arbeide tett med næringssjefen og stillinga vil ligge under avdeling for miljø- og samfunnsutvikling.

Spørsmål om stillinga kan rettast til næringssjef Tea Karoline Mork

Epost: tea.karoline.mork@skjaak.kommune.no

Tlf: 901 16 575

Søknadsfrist 28. juli 2025

• Elektronisk søknadsskjema

• Søkjarlista vil bli offentleggjort

Kommunedirektøren