Sommarjobb ved Norsk fjellsenter og Klimapark 2469

Er du glad i naturen, fjella, dei hardføre dyra og plantane som lev der, og nysgjerrig på korleis klimaet påverkar alt? Er du i tillegg nysgjerrig på kulturhistorie og Noreg sine nasjonalparkar? Vi treng deg som kan formidle naturglede og kunnskap både i resepsjonen og utstillingane på Norsk fjellsenter og som naturrettleiar i Klimapark 2469 og istunnelen.

Norsk fjellsenter ligg midt i Lom sentrum og er ein viktig innfallsport til fjella og nasjonalparkane, Jotunheimen, Breheimen og Reinheimen. På Norsk fjellsenter har vi fleire utstillingar, blant anna landets største utstilling av brearkeologiske funn. Klimapark 2469 ligg ved foten av Galdhøpiggen ved Juvasshytta cirka 1850 moh. og er ein unik arena for formidling av klimaendringar, høgfjellsnatur, iskunst og brearkeologi.

Stillingar

Medarbeidarar ved Norsk fjellsenter og i Klimapark 2469 med arbeidsoppgåver innan tur- og nasjonalparkinformasjon, guiding, butikksal og formidling av natur- og kulturhistorie.

Oppgåvene kan variere noko frå dag til dag. Vi treng arbeidshjelp frå midten av mai til oktober, men det er mogleg å jobbe deler av denne perioda også. Vi er spesielt på utkikk etter folk som kan arbeide i heile juli.

Vi tilbyr

arbeidsoppgåver innan tur- og nasjonalparkinformasjon, guiding, resepsjons- og butikkarbeid, og formidling av natur- og kulturhistorie på Norsk fjellsenter og i Klimapark 2469 og istunnelen.

eit triveleg og godt arbeidsmiljø

opplæring i forkant av sesongen

bustad i Lom dersom du har behov for det

elbil mellom Klimapark 2469 og Norsk fjellsenter

Kvalifikasjonar Du må:

ha interesse for natur og friluftsliv og gjerne utdanning innan feltet

trivast ute

vere over 18 år og ha førarkort for personbil

evne å formidle munnleg godt på norsk og engelsk.

evne å arbeide sjølvstendig og i samarbeid med andre

evne å sjå dei besøkande og formidle god informasjon

kunne arbeide både ved Norsk fjellsenter og i Klimapark 2469

Merk deg at bustaden for sommartilsette ligg i køyreavstand frå Lom sentrum. Det er difor ein fordel om du disponerer bil sjølv eller allierer deg med nokon som har bil. Frå Norsk fjellsenter/sentrum og opp til Klimapark 2469 får du køyre jobbilen i lag med dei andre tilsette.

Lurar du på noko? Kontakt dagleg leiar Mai Bakken på telefon: 97 18 04 69 eller e-post: mai@norskfjellsenter.no.

Søknad og CV sendast innan 15**. februar 2026** på e-post til mai@norskfjellsenter.no. Hugs å oppgi kva periode du kan jobbe.