Prosjektleiar næring

Vi søker ein dyktig og engasjert medarbeidar til ei nyoppretta prosjektstilling. Di viktigaste oppgåve vil vere å leie arbeidet med å gjere Haram til ein endå meir attraktiv stad å bu og virke.
Stillinga er ein del av kommunedirektøren sin stab, innan fagområdet næring. Stillinga er ei midlertidig prosjektstilling på 3 år. I samarbeid med representantar frå næringslivet skal du bidra til å vidareutvikle kommunen vår.

Arbeidsoppgåver

• Som prosjektleiar vil du ha det overordna ansvaret for utviklingsprosjekt vedtekne av Nordre Innovasjonsforum. Dette inneber ansvar for oppfølging, koordinering, resultat- og budsjettstyring, og dokumentasjon av framdrift og resultat.
  
• Etablere og oppretthalde god kommunikasjon med relevante interessentar, inkludert politiske aktørar, næringsliv og andre samarbeidspartnarar, for å sikre effektivt samarbeid og framdrift i prosjekta.
  
• Vere ein synleg frontfigur som representerer prosjektet og Haram kommune i ulike samanhengar, både internt og eksternt.
  
• Marknadsføre Haram kommune som ein attraktiv destinasjon for tilflyttarar.
  
  Noko reising må påreknast, først og fremst innanfor Møre og Romsdal.

Kvalifikasjonar

Vi trur at den nye prosjektleiaren vår har høgare utdanning innan økonomi, administrasjon, marknadsføring eller tilsvarande fagområde. Søkarar med relevant erfaring kan bli vurderte sjølv om dei ikkje har utdanning på høgare nivå.Du har erfaring med prosjektarbeid og innehar førarkort klasse B.

Personlege eigenskapar

Du har gode ferdigheiter i å leie, og nå mål gjennom samarbeid. Vi trur òg at du er ein god kommunikator, god på nettverksbygging, og at du er komfortabel med å vere synleg både internt og eksternt.
Du treng ikkje vere ekspert på alle område, men det er viktig at du har evne til å inkludere andre og få fram det beste i dei ressursane og menneska du har rundt deg.

Vi tilbyr

• Vi tilbyr ei spennande og utfordrande rolle med stor samfunnsmessig betydning. Dette er ei stilling der den rette kandidaten får brukt heile seg, og kan oppleve både sterk personleg og fagleg utvikling.
• Du blir del av eit kontorfellesskap på tenestehuset i Brattvåg. Her møter du eit godt arbeidsmiljø og kollegaer som er klare til å gi deg grundig opplæring og støtte.
• I tillegg får du tilgang til eit sterkt nettverk av fagpersonar frå det lokale næringslivet. Dette gir deg ei unik moglegheit til å bygge relasjonar og samarbeide for å nå prosjektmåla.
• Som tilsett i Haram kommune får du forsikring, løn etter avtale og pensjon gjennom KLP. Du får sjølvsagt òg fleksibel arbeidstid.

Kontaktinformasjon

Inger Synnøve Remme, Næringssjef, 99424139, inger.synnove.remme@haram.kommune.no
Anders Norvald Hammer, Kommunedirektør , 41635839, anders.norvald.hammer@haram.kommune.no

Arbeidsstad

Strandgata 40
6270 Brattvåg

Nøkkelinformasjon:

Arbeidsgivar: Haram kommune

Referansenr.: 4993010081
Stillingsprosent: 100%
Engasjement
Søknadsfrist: 17.08.2025