Helsefagarbeidarar til heimebaserte tenester

Vik kommune har ledig 3-4 faste helgestillingar for helsefagarbeidarar på ca. 15-20 % kvar. 

Stillingane er i tredelt turnus, med arbeid i gjennomsnitt kvar tredje helg. Me arbeider etter årsturnusprinsippet, som sikrar føreseieleg arbeidstid for tilsette og kontinuitet for våre brukarar.

Om arbeidsstaden

Heimebaserte tenester yter tenester til alle typer pasientgrupper, og jobbar mellom anna med demensomsorg, behandling retta mot kroniske, somatiske tilstandar, sårbehandlingar, avansert lindrande behandling og mykje meir.
Heimesjukepleietenesta jobbar tett saman med bu- og miljøtenesta, og det er tett samarbeid mellom sjukeheim, heimetenestene, psykiatri/rus og rehabiliteringsavdeling.

Kommunen er liten, men tenkjer stort, og bygger nye og moderne lokale med sjukeheim, lokale til heimetenester, psykiatri, psykolog, institusjonskjøkken, dagtilbod, rehabilitering og omsorgsbustader. Bli med på spanande framtidsretta utvikling i kommunen!

 
Me tilbyr

• Varierte oppgåver med fokus på fagleg utvikling
• Tilrettelegging for relevant vidareutdanning og sirkulering mellom ulike avdelingar om ynskjeleg
• Årsturnus
• Dyktige kollegaer og godt tverrfagleg samarbeid
• Gode pensjons- og forsikringsordningar

 
Arbeidsoppgåver

• Utføra arbeidsoppgåver i tråd med lovverk, rutinar og prosedyrar som gjeld for avdelinga
• Heilheitleg pleie og omsorg, kartleggingar, behandling og observasjon av brukarar, med fokus på brukarmedverknad
• Vera pådrivar for eigenmeistring
• Deltaking i ulike prosjekt
• Dokumentasjon, laga og evaluera tiltaksplanar

Me søkjer

Me søkjer helsefagarbeidarar som ynskjer å arbeide med pasientomsorg til brukar/pasient på eig god måte, og yte tenester av høg kvalitet. Dersom ikkje ein får kvalifiserte søkjarar kan også andre søkjarar bli vurderte, t.d studentar i eit relevant utdaningsforløp og pleiemedarbeidarar med lang erfaring.

Krav til kompetanse:

• Autorisasjon som helsefagarbeidar
• Me ynskjer også søkjarar under utdanning, som får autorisasjon i nær framtid
• God norsk munnleg og skriftleg kompetanse
• Krav om førarkort 

Gyldig politiattest må leggast fram ved tilsetjing

Personlege eigenskapar

Personlege eigenskapar vil bli vektlagde. Me ser etter deg som:

• er engasjert og positiv.

er ryddig, strukturert og systematisk

har evne til å arbeide sjølvstendig

er fagleg trygg, modig og raus- og evnar å gjera tenesta, tilsette og brukarar gode

likar å arbeide kunnskapsbasert og sjølvstendig og tar ansvar på vakter

• har gode kommunikasjonsferdigheiter og evnar å samarbeide i eit tverrfagleg perspektiv
  
  
• er løysingsorientert med god evne til gjennomføring.

 
Andre opplysningar

Vik kommune praktiserer meiroffentlegheit. Dersom du ikkje ynskjer at namnet ditt skal offentleggjerast, må du grunngje dette i søknaden.

Søknadsprosedyre

Alle søknader på ledige stillingar i Vik kommune skal registrerast i søknadsportalen. Me ber om at dokumentasjon på eventuell utdanning og arbeidserdfaring blir lasta opp saman med søknaden.

Dersom du treng hjelp med søknaden, kan du ta kontakt på tlf. 57 69 82 00.