Fagleiar SFO ved Aurland barne- og ungdomsskule

Om stillinga

Me har ledig 100% stilling som fagleiar SFO ved Aurland barne- og ungdomsskule (Abu) frå 01.08.25. Deler av stillinga vil bli knytt til arbeid i skule. Fordelingsnøkkel vil vere ut frå antal tilmelde born på SFO. 

SFO - leiar har fagansvar, og er ein del av skulen si leiargruppe saman med rektor, inspektør, kulturskulerektor og lagleiarar for barnetrinnet og ungdomstrinnet. Rektor er SFO-leiaren sin næraste overordna.

Me ser etter deg som er systematisk og engasjert, og som evnar å skape gode relasjonar til born, føresette og tilsette.

Skulefritidsordninga er lokalisert i fine lokale med godt tilrettelagte leikerom og kjøken. Aurlandshallen og symjehallen vert også nytta av SFO. Me er mykje ute og har store og gode uteareal som legg til rette for varierte uteaktivitetar. 

Abu ligg sentralt i kommunesenteret, og har omlag 150 elevar frå 1. til 10. klassetrinn, med omlag 60 born i skulefritidsordninga. 

SFO ved ABU jobbar etter intensjonane i rammeplanen. Me skal legge til rette for leik, kultur- og fritidsaktivitetar med utgangspunkt i alder, funksjonsnivå og borna sine interesse.  

Grunnmuren vår er:

• Tryggleik, tillit og omsorg
• Leik og sosial kompetanse
• Smil, latter og glede 

= Trivsel med blikk for den enkelte

Arbeids- og ansvarsområde

• Ansvar for overordna mål, strategiar og årsplanar for skolefritidsordninga i samarbeid med rektor og øvrige tilsette
• Planleggje og drifte det daglege arbeidet ved skulefritidsordninga
• Ha ansvar for fakturering, inn- og utmeldingar og andre førefallande oppgåver delegert frå rektor
• Ha ansvar for at leik, kultur- og fritidsaktivitetar med utgangspunkt i barna sin alder, funksjonsnivå og interesser er i samsvar med rammeplanen og vedtektene til SFO i Aurland kommune
• Ansvar for at alle born ved SFO vert godt ivaretekne gjennom trygge rammer og eit fagleg engasjement hjå tilsette
• Gjennomføre brukarundersøkingar og foreldremøte
• Vere ein aktiv bidragsytar inn i skulen si leiargruppe 
• Hovudansvar for informasjon og samarbeid med føresette og eventuelt andre impliserte partar
• Stillinga fylgjer ordinært arbeidsår

Kvalifikasjonar

• Ynskje om relevant pedagogisk utdanning / erfaring knytt til arbeid med barn i den aktuelle aldersgruppa
• Ynskje om god digital kompetanse 

Personlege eigenskapar

Me ynskjer at du:

• Evnar å skape gode relasjonar med born, føresette og kollegaer
• Er positiv, robust og godt humør
• Er ein tydeleg vaksenperson og god rollemodell
• Er sjølvstendig og ryddig
• Er god å samarbeide og motivere personale
• Er fleksibel og har evne til å ta gode avgjersler i ein hektisk kvardag
• Er påliteleg og lojal og kan handtere raske endringar og naudsynte omstillingar

Personlege eigenskapar vert vektlagt

Våre verdiar i Aurland kommune er:  L-Æ-R, som står for Likeverd, Ærlegdom og Respekt.  

Me tilbyr

• Ei utfordrande stilling med moglegheit for utvikling og fagleg påverknad 
• Bli ein del av ein triveleg arbeidsplass der arbeidsmiljø står i sentrum 
• Gode pensjons- og forsikringsordningar 
• Løn etter avtale 
• Gratis inngang til treningsrom i Aurlandshallen 
• Gratis inngang til symjehallen  
• Godt barnehagetilbod

Sjå gjerne informasjonsbrosjyre om kommunen vår her.

. Video: https://www.youtube.com/watch?v=aFXLAnqaUbI

Løns- og tilsetjingsvilkår

• Tilsetting, løn og arbeidsvilkår er i samsvar med gjeldande lover, reglement og tariffavtale
• Politiattest etter opplæringslova

Krav til språk

Du må kunne kommunisere godt på norsk, både munnleg og skriftleg. Aurland kommune nyttar nynorsk som målform.

Generell informasjon 

Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg. 

Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. 

Me ynskjer deg velkomen som arbeidssøkar i Aurland kommune.