Rådgivar innan sivil rettspleie

Kristiansund politistasjon, Sivil og forvaltningsseksjonen lyser no ut ei fast 100% stilling som behandlar med hovudvekt arbeidsoppgåver innanfor fagfeltet gjeldsordning, også arbeidsoppgåver innan utlegg/tyngre tvang.

Avdelinga vår har pr.  i dag 11 tilsette med variert bakgrunn, utdanning, erfaring og alder. Eininga har tilsette med økonomisk utdanning, politiutdanning,  tilsette med variert og lang arbeidserfaring.  Det er tre menn og 8 kvinner på seksjonen.

Stasjonssjefen ved Kristiansund politistasjon er namsmann i Nordmøre, og avdelinga vår er delegert ansvaret for den sivilrettslege porteføljen i Nordmøre.  I tillegg har avdelinga vår ansvar for publikumsskranke ved Kristiansund politistasjon med mottak av alle typar førespurnader blant dei mottak av søknader på norske pass.

Vi samarbeider tett med politistasjonane i Nordmøre distrikt når det gjeld den sivile porteføljen, og saksmengda hos Namsmannen i Kristiansund kan variere frå år til år. 

Du vil ha omfattande kontakt med privatpersonar og private/offentlege aktørar, under dette særleg inkassoselskap, skattestyresmaktene, andre særnamsmenn og domstolane. Kontakten skjer både skriftleg og munnleg. Noko av publikumskontakten vil gå føre seg på engelsk.

Du vil bli stilt overfor ei rekkje forventningar. Publikum og eksterne forventar å bli møtt av ein kompetent og fagleg trygg tilsett med høg servicegrad og tilgjengelegheit. Som tilsett hos Namsmannen i Kristiansund er det forventa at ein opptrer fordomsfritt og med respekt overfor alle som vender seg til oss. Våre tilsette skal opptre sakleg, roleg og beherska sjølv om ein hamnar i oppheta diskusjonar eller konfliktfylte situasjonar/relasjonar.

Jobb hos Namsmannnen i Kristiansund krev at du ikke har betalingsanmerkninger. Om du vert innkalla til intervju må du ta med deg utskrift av kredittinformasjon om deg sjølv for å vise at du ikkje har betalingsmerknadar. Dette kan ein hente ut gratis frå til dømes MinExperian eller Bisnode på nett. Kandidaten sjølv sladdar likningsopplysningar på utskrifta.

Arbeidsoppgåver

• Sjølvstendig saksbehandling og rettleiing overfor partane innanfor fagområdet gjeldsordning
  
• Saksbehandling innanfor utlegg og tyngre saker samt rettleiing av publikum i slike saker, ha tett samarbeid med eksterne aktører
  
• Hovudstemnevitne
  
• Bidra til den administrative delen av arbeidet i eininga, under dette registrering av inngåande post og saker og dessutan handtering av publikumsførespurnader på telefon, elektronisk og ved oppmøte
  
• Enkeltvis og i samarbeid med andre bidra til arbeidet i eininga innan fag- og kompetanseutvikling. Internt på seksjonen eller i politidistriktet kan det t.d. vere snakk om arbeid med rutinar/metodeutvikling, rettleiing og opplæring. Eksternt kan det t.d. vere snakk om foredrag eller rettleiing for samarbeidande etatar, private/offentlege aktørar (kundar), private brukargrupper, førebyggjande overfor skular/unge mv.

Kvalifikasjonar

Nødvendige

• Relevant høgare utdanning på bachelornivå, eksempelvis jus eller økonomi
• Lengre relevant arbeidserfaring kan kompensere for kravet om utdanning
• Minimum 1 års arbeidserfaring frå fagområder innan jus og/eller økonomi
• Gode språkkunnskapar, både munnleg og skriftleg. Minimum innan norsk og engelsk
• Generelt god forståing for bruk av IT-system og tilegning av stadig nye system
• Ingen betalingsanmerkninger
• Du må ha plettfri vandel og vere skikka for teneste i politiet og politiattest (uttømmande og utvida) må innhentast ved ev. tilsetjing jfr. politilova § 18 og politiregisterlova § 41. Ved søknad på stillinga må ein pårekne at det blir henta inn opplysingar frå enkelte av politiet sine register og system til bruk  i samband med skikkaheitsvurdering, jf. politiloven § 18 og og politiregisterloven § 41. 

Ønskelege

• Erfaring frå offentleg forvalting og saksbehandling
  
• Kunnskap om relevant lovverk
  
• Erfaring frå fagområder innan jus og/eller økonomi
  
• Ytterlegare språkkompetanse

Personlege eigenskapar

• Sjølvstendig og initiativrik med god evne til å prioritere
  
• Beslutningsdyktig, effektiv og nøyaktig gode kommunikasjons og samarbeidsevner, serviceinnstilt
  
• Motivert for å arbeide innan den sivile rettspleia og i politiet
  
• Evne til å jobbe sjølvstendig og i team

Personlege eigenskapar vil bli tillagd stor vekt

Som medarbeidar i politiet har du høgt etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattform her:  https://www.politiet.no/om-politiet/jobb-i-politiet/medarbeiderplattform/

Vi tilbyr

• Ein utfordrande og spennande arbeidsplass for deg som vil vere med å forme politiet for framtida
• Fast stilling som rådgivar, stillingskode 1434, i Møre og Romsdal politidistrikt
• Brutto årslønn for rådgivar frå kr. kr 530 000,-
• Endeleg plassering av lønn er avhengig av erfaring og kvalifikasjonar
• Medlemskap i Statens pensjonskasse (SPK) med gode pensjons- og forsikringsordningar. Sjå www.spk.no for meir informasjon.
• Fleksibel arbeidstid og mogelegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelsetjenesten
• Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar
  

Kontaktinformasjon

Per Arild Dyrnes, Seksjonsleiar, 71589427, per.arild.dyrnes@politiet.no

Arbeidssted

Storgata 43
6508 Kristiansund

Nøkkelinformasjon:

Arbeidsgiver: Møre og Romsdal politidistrikt

Referansenr.: 4709119553
Stillingsprosent: 100%
Fast stilling
Søknadsfrist: 11.10.2023