Kontrollingeniør vatn og avløp -- mellombels 100 % stilling

Øygarden kommune har skilt ut alle tenester knytte til vatn, avløp og renovasjon i eit eige aksjeselskap, ØyVAR AS. ØyVAR betener nær 40 000 innbyggjarar og står stadig overfor spennande utfordringar innan VAR-sektoren. ØyVAR har fleire nye utbyggingsprosjekt som skal gjennomførast, og vi ønskjer å styrkje utbyggingsavdelinga med ein driftig medarbeidar.

Vi søkjer ein engasjert og påliteleg medarbeidar til ei mellombels stilling som kontrollingeniør.

Stillinga er 100 % fram til juni 2028 og rapporterer til fagsjef utbygging.

Som kontrollingeniør vil du bidra til å sikre at kvaliteten på nye vass- og avløpsleidningar blir ivareteken på ein forsvarleg måte og i samsvar med gjevne vedtak.

Arbeidet omfattar stadleg kontroll, dokumentasjon og FDV-arbeid i samband med etablering av nye leidningar.

Det kan òg vere aktuelt å delta i arbeidet med lekkasjereduksjon på eksisterande leidningsnett i periodar.

Det må påreknast noko arbeid på kveld, natt og i helgar.

Vi søkjer deg som ønskjer å arbeide i eit triveleg og hektisk arbeidsmiljø.

Den vi søkjer, tek initiativ og trivst med å arbeide både sjølvstendig og i team.

Vitnemål og attestar skal leggjast ved søknaden. ØyVAR vil gjennomføre ein utvida bakgrunnssjekk med heimel i digitaltryggleikslova.

Arbeidsoppgåver

• Kontroll og oppfølging av VA-arbeid, avvikshandtering og sluttbefaringar
• Dokumentasjon og generell sakshandsaming
• Arbeid med lekkasjesøking

Kvalifikasjonar

• Minimum bachelorgrad i byggingeniørfag med studieretning innan prosjekt- og byggeleiing, teknisk samfunnsplanlegging eller tilsvarande.
• Fag innan vatn og avløp er ein fordel.
• Førarkort klasse B
• God skriftleg og munnleg framstillingsevne på norsk
• Gode ferdigheiter i bruk av digitale verktøy
• Det er ønskjeleg med erfaring som kontrollingeniør innan VA-infrastruktur og erfaring med lekkasjesøking

Personlege eigenskapar

• Tek initiativ, er lærevillig og løysingsorientert
• Har gode kommunikasjons- og samarbeidsevner
• Samhandlar godt med kollegaer, leiarar og andre fagmiljø

Vi tilbyr

• Løn etter avtale, avhengig av kvalifikasjonar og tidlegare praksis
• Gode pensjons- og forsikringsordningar
• Fleksitidsordning
• Dyktige, engasjerte og hyggelege kollegaer

ØyVAR ønskjer eit arbeidsmiljø prega av mangfald, og at medarbeidarane våre i størst mogleg grad skal spegle mangfaldet i befolkninga.

Vi oppmodar alle kvalifiserte søkjarar til å søkje jobb hos oss, uavhengig av alder, kjønn eller bakgrunn.

Søknadsfrist: 15. august