Psykologspesialist/ psykolog

Vi søker etter psykologspesialist/psykolog til Avdeling TSB. Stillingen er for tiden i poliklinikk.

Som psykologspesialist/psykolog i vår seksjon får du moglegheit til fagleg vekst og å vere med å på å utvikle eit spanande fagfelt vidare!

Avdeling for TSB er ein del av spesialisthelsetenesta i Helse Møre og Romsdal. Avdelinga består av ei tverrfagleg samansett gruppe tilsette som gir tilbod til pasientar med avhengigheit til rusmidlar, vanedannande medikament, anabole stereoider og spel. Vi gir også tilbod til pårørande. Fagmiljøet ved avdelinga er tverrfagleg samansett og inkluderar rus-spesialistar/psykiaterar, legar, psykologspesialistar/psykologar og helse- og sosialfaglege medarbeidarar med vidareutdanning.

TSB (tverrfagleg spesialisert rusbehandling) er eit ungt fagfelt i utvikling. I tillegg til behandling av avhengigheit, jobbar vi også spesifikt i TSB med å utvikle kompetansen i behandling av psykiske lidingar. Kanskje er dette noko for deg?

Som psykologspesialist/psykolog vil du bidra med psykologfagleg kunnskap og diagnosekompetanse inn i tverrfagleg samarbeid, du vil gi utgreiing og terapi - oppfølging til pasientar som treng det. Alle pasientar får tildelt ein pasientansvarleg koordinator som koordinerar pasientforløpet og har ansvar for pasientforløp TSB. Som psykologspesialist/psykolog vil du i staden verte nytta til psykologfaglege oppgåver, både i det tverrfaglege samarbeidet, i samarbeid med øvrig hjelpeapparat og i direkte oppfølging av pasientar.

Den psykologfaglege kompetansen vert høgt verdsett og er viktig i det direkte pasientarbeidet, men sjåast også på som ein sentral kompetanse i den faglege utviklinga.

Avdeling for TSB er opptatt av kunnskapsbasert behandling og per i dag tilbyr vi ulike former for traumebehandling i alle behandlingsseksjonane hjå oss. Vi fokuserer også på å etablere kunnskapsbasert behandling for personlighetsforstyrrelse.

Arbeidsoppgåver

• Kartlegging og utgreiing av funksjonsevne og psykisk helse
• Psykologiske vurderingar, diagnostisering og behandling
• Individuelt behandlingsansvar
• Vere ein del av eit tverrfagleg team
• Rettleiing og bistand til tverrfagleg team basert på psykologfagleg kunnskap
• Samarbeid med ulike faggrupper
• Eksternt samarbeid og undervisning
• Samtalar med pårørande
• Bidra inn i fagutvikling/kompetanseutvikling

Kvalifikasjonar

• Psykologspesialist eller psykolog med norsk autorisasjon, eller lisens som fører til autorisasjon
• Ønskjeleg med relevant spesialisering/jobberfaring frå arbeid med rus og/eller psykisk helse
• Erfaring frå tverrfagleg/tverretatleg samarbeid vert vektlagt
• Du må ha gode kommunikasjonsevner og gode norskferdigheiter både munnleg og skriftleg
• Ønskjeleg med klinisk erfaring
• Å vere personleg eigna blir vektlagt ved tilsetting

Personlege eigenskapar

• Du er ein positiv, og ansvarsbevisst kollega som både kan arbeide sjølvstendig og i eit tverrfagleg samarbeid
• Du har evne til å handtere hektiske dagar og komplekse saker
• Du likar å bidra til kompetanseutvikling
• Ved tilsetjing vil ein leggje vekt på gode eigenskapar når det gjeld kommunikasjon med pasientar, pårørande og samarbeidspartnarar

Vi tilbyr

• Spanande og krevjande arbeidsoppgåver i eit godt og kompetent fagmiljø
• Rettleiing
• Internundervisning, eigne fagdagar og personalseminar
• Aktivt arbeid for å iverta eit godt arbeidsmiljø
• Moglegheit til fagleg utvikling og kurs
• Moglegheit til avtale om vekentleg lesetid
• Sterkt tverrfagleg samarbeid
• Ein inkluderande arbeidsplass
• Rekrutteringstillegg
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert scanna og lasta opp som vedlegg til din CV.

Kontaktinformasjon

Linn Therese Reiakvam, Seksjonsleiar, +47 70 17 13 84, Linn.Therese.Reiakvam@helse-mr.no

Arbeidssted

Vestmoa 27
6018 Ålesund

Nøkkelinformasjon:

Arbeidsgiver: Helse Møre og Romsdal HF

Referansenr.: 5040270183
Stillingsprosent: 100%
Fast
Søknadsfrist: 07.12.2025