Fastlege 

Vi søkjer deg som vil bli ein del av vårt team.

Sula kommune har ledig fastlegeavtale tilknytt kommunelegekontoret. Listetak på 600 pasientar. Oppstart 01/09/26

Dette er ei liste som blir ein del av ei fellesliste, som består av 2 fastlegeavtaler. Totalt listetak for felleslista blir 1000, pr. i dag 800 pasientar.  Fastlegane på felleslista deler ansvaret for legetilbodet til alle pasientane på lista. Fastlegane kan fordele ansvar og arbeidsoppgåver mellom seg i pasientbehandlinga for å dekke opp ferie- eller anna fråvær eller av andre omsyn til kvaliteten på helsehjelpa. Kvar fastlege har hovudansvar for journal og oppfølging av pasientar på eiga liste.

Det er knytt kostnader til oppstart av fastlegeavtalen  i form av goodwill. Handtering rundt dette følgjer regelverket i ASA 4310  pkt 5.6

Kommunelegekontoret har i dag 10 fastlegar og ein LIS1-lege. Nesten alle fastlegane er spesialistar i allmennmedisin. Ein har også dyktige medarbeidarar i form av helsesekretærar og sjukepleiarar. Kontoret har fokus på godt samarbeid, god kompetanse og tenesteutvikling, alt for at både pasientar og medarbeidarar skal trivast.

Driftsforma er basert på næringsdrift som hovudmodell der legen betaler leige til kommunen for lokaler, utstyr og personell m.m. Fastlegar med driftsavtale får utbetalt basistilskotet og betalar husleige til kommunen berekna etter listetal (8.2-avtale). Ingen av legane har ansvar for generell drift og personalansvar, det er det kommunen som tar seg av.  

Kommunelegekontoret har hatt stabil legedekning i lang tid, og det har jevnlig blitt oppretta nye avtalar. Gjennomsnittleg listelengde er ca 900. Fastlegane samarbeidar godt og bistår kvarandre med faglege vurderingar av pasientar. Det er viktig for kommunen å tilby gode arbeidsvilkår tilpassa ulik livssituasjon for legen, redusert stilling kan diskuterast. 

Ta gjerne kontakt om du ønskjer meir informasjon

Arbeidsoppgåver

  Klinisk praksis på eiga liste, samt solidarisk ansvar for felleslista og generell kollegeal fråværsdekning

 Offentlege legeoppgåver kan på sikt bli tilplikta, med inntil 7,5 time pr veke, etter nærare avtale med kollegar og kommunen.

 Deltaking i interkommunal legevakt på kveld, natt og helg lokalisert like ved Ålesund sjukehus, legane deltar i vaktordninga.

 Kommunen har organisert daglegevakt, vaktbelastninga blir fordelt på alle legane i kommunen

Kvalifikasjonar

 Søkjar må ha norsk autorisasjon

 LIS1, eller tilsvarande, må vere gjennomført og godkjent

 Spesialist i allmennmedisin eller klar til å starte spesialisering LIS3

 Andre relevante faglege kvalifikasjonar og relevant erfaring vil bli vurdert, sett i lys av å utfylle den totale kompetansen blant fastlegane i kommunen.

 Fagleg oppdatert på relevant kunnskap

 Må beherske norsk språk godt, både munnleg og skriftlig

 Må ha sertifikat klasse B og kunne disponere bil

 Politiattest

Personlege eigenskapar

 Du er god på kommunikasjon, samarbeid og skapar gode relasjonar til pasientar og kollegaer 

 Du er fleksibel, engasjert og motivert for jobben

 Du har evne til å jobbe i eit hektisk miljø, der ingen veit kva dagen bringer

Det vil bli lagt vekt på personlege eigenskapar og gode samarbeidsevne.

Vi tilbyr

 Kommunen er registrert utdanningsverksemd for ALIS

 Kommunen vil legge til rette for spesialisering i allmennmedisin, LIS3

 Rettleiing og supervisjon frå erfarne fastlegar

 Legekontoret brukar KI generert taleverkty til journalføring.

 Heimekontorordning i samsvar med lokal avtale

 Tildeling av avtale og overtaking av praksis skjer på dei vilkår som til ei kvar tid går fram av gjeldande lover og avtaleverk.

 Godt samarbeid mellom fastlegane og administrasjonen i kommunen.

 Å få arbeide i eit velutstyrt og triveleg arbeidsfellesskap med godt kvalifiserte medarbeidarar som har fokus på tenesteutvikling

 Godt tverrfaglig samarbeid med dei andre tenestene i kommunen.

 Gratis parkering

Kontaktinformasjon

Grethe Øen, Einingsleiar, 93821014, grethe.elise.gjorvad.oen@sula.kommune.no
Øystein Mjelde Aasen, Fastlege og HTV for DNLF, 97091508, oystein.mjelde.aasen@sula.kommune.no

Arbeidsstad

Stadsnesvegen 9b
6030 Langevåg

Nøkkelinformasjon:

Arbeidsgivar: Sula kommune

Referansenr.: 5079777372
Stillingsprosent: 100%
Fast
Startdato: 01.09.2026
Søknadsfrist: 09.03.2026