Fengselsbetjent

Om stillinga

Åna fengsel skal utvide avdeling Rødgata, avdeling for lågare tryggleik, avdelinga skal og ha fire plassar for utslusing av forvaringsdømte. I den anledning har Åna fengsel ledig stilling som fengselsbetjent, for tida med turnus i avdeling Rødgata, avdeling for lågare tryggleiksnivå. Arbeidstida er to-skift turnus med helg.Ein fengselsbetjent har ansvar for dei innsette og tilsette sin tryggleik, innhaldsarbeid, innhenting og vurdering av informasjon og saksbehandling. Fengselsbetjenten skal ha evne til tryggleikstenking, grensesetjing og konflikthandtering og i tillegg vere ein samtalepartnar, kontaktbetjent, rollemodell og rettleiar for dei innsette, og delta i målretta progresjonsarbeid med innsette.

Arbeidsoppgåver

• avdelingsteneste med daglege oppgåver knytte til innsette
• kontaktbetjentarbeid, soningsplanlegging, miljøarbeid og programarbeid
• vere ein aktiv medspelar i utviklinga av det faglege og tryggleiksarbeidet ved avdelinga
• drive aktiviteter med innsette

Den som blir tilsett, må rekne med endringar i ansvars- og arbeidsområde.

Utdanning og erfaring

Du må ha

• bestått fengselsbetjentutdanning frå Høgskolen og utdanningssenteret for kriminalomsorga KRUS
• god kunnskap og erfaring i bruk av IKT - system eller verktøy
• god munnleg og skriftleg framstillingsevne
• interesse av å arbeida med tilbakeføringsarbeid

Det er ønskjeleg at du er

• flink til å motivera
• god til å skapa relasjonar
• initiativrik
• god til å samarbeide

Personlege eigenskapar

• gode kommunikasjons- og samarbeidsevner
• evne til å jobbe sjølvstendig, målretta og systematisk med målgruppa
• evne til å søkje gode løysingar for den enkelte, i samspel med kollegaer, leiing og eksterne samarbeidspartnarar
• tolmod, ansvarsfull, å kunne setje grenser og ha evna til å motivere menneske i vanskelege livssituasjonar

Vi tilbyr

• meiningsfulle oppgåver i ein etat med eit viktig samfunnsoppdrag
• gode pensjons-, forsikrings- og låneordningar i Statens pensjonskasse.
• gratis parkering
• tilgang til el-billader
• eit aktivt bedriftsidrettslag som tilbyr fysisk aktivitet og sosialt samvær 
• stillinga blir lønt som 0264 fengselsbetjent fra kr 500 000 til kr 630 000. Det blir trekt 2 % innskot til Statens pensjonskasse.

Generell informasjon

Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.  

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her. 
 

Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.

Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.

Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.

Nærare opplysningar om stillinga får du ved å vende deg til Inspektør Eldbjørg Engelsvoll

For spørsmål om elektronisk utfylling av CV kan Jobbnorge kontaktast på 75 54 22 20.