Vil du gjere ein forskjell for menneske som treng oppfølging for å kome i jobb? Har du erfaring med kartlegging, oppfølging og rettleiing?

Vi har ledig 3 faste stillingar som rettleiar ved Nav ytre Søre Sunnmøre. Lokala våre er f.t i helsehuset på Hareid, og på Eggesbønes i Herøy.

Vi ser etter deg som ønskjer å bidra til at fleire skal få moglegheit til å bli inkludert i arbeidslivet. Du blir motivert av å hjelpe andre og har god forståing av NAV sitt samfunnsoppdrag, visjon og verdiar.

Nav ytre Søre Sunnmøre leverer arbeidsrelaterte tenester til innbyggarar og verksemder i Hareid, Ulstein, Sande, Herøy og Vanylven kommune. Dette inneber også å jobbe for å betre levekåra for vanskelegstilte, og bidra til sosial og økonomisk tryggleik. Slik får den enkelte moglegheit til å leve og bu sjølvstendig, fremje overgang til arbeid, bli sosialt inkluderert og delta aktivt i samfunnet.

Arbeidsoppgåver

• oppfølging og rettleiing av brukarar med fokus på arbeid, meistring og inkludering i arbeidslivet
• bidra til å motivere og legge til rette for at brukarane skal vere i arbeid og aktivitet
• sakshandsaming etter relevant lovverk gjennom våre fagsystem
• jobbe tett med arbeidsgjevarar og andre samarbeidsaktørar
• ta del i kontoret sine fellesoppgåver
  

Arbeidsoppgåvene som ligg til stillinga kan bli endra.

Kvalifikasjonar

• Du må ha fullført utdanning tilsvarande bachelor, gjerne innan helse-, sosialfag, pedagogikk eller samfunnsfag. Særleg relevant erfaring kan kompensere for utdanningskravet.
• Du må ha rettleiingskompetanse og/eller erfaring frå arbeid med rettleiing.
• Du må ha digital kompetanse og gode evner til å sette deg inn i nye datasystem og arbeidsmetodar.

Vi ønskjer at du har

• gode evner til å bygge relasjonar basert på gjensidig tillit og respekt
• erfaring frå tverrfagleg samarbeid
• god kjennskap til arbeidsmarknaden
• førarkort klasse B

Personlege eigenskapar

Du

• har tru på at alle menneske til tross for helseproblem kan få, og behalde ein vanleg jobb
• har evne til å jobbe resultatorientert og samtidig vere oppteken av god kvalitet
• er god på relasjonsbygging og til å skape motivasjon
• kan arbeide målretta, nøyaktig og effektivt
• er ein lagspelar som deler erfaring og kontaktar i kontoret
• kan handtere det som ikkje er føreseieleg i eit dynamisk miljø
• har gode munnlege og skriftlege kommunikasjonsferdigheiter

Vi tilbyr

• spanande og givande arbeidsoppgåver i eit innovativt og endringsvillig arbeidsmiljø, prega av kompetanse og marknadsorienterte haldningar
• god pensjonsordning

Tilsettinga er på vanlege kommunale vilkår.

Alle må søkje digitalt. Du må laste opp relevante vitnemål og attestar. Vi gjer merksam på at søknaden blir vurdert ut frå den informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga.

Kontaktinformasjon

Alexander Måseidvåg, NAV-leiar, +47 97031241

Arbeidsstad

Kjøpmannsgata 16
6060 HAREID

Nøkkelinformasjon:

Arbeidsgivar: NAV - ytre søre Sunnmøre

Referansenr.: 4942343893
Stillingsprosent: 100%
Fast
Søknadsfrist: 14.04.2025