Undervisningsstillingar

Velkomen som søkjar til undervisningsstillingar i Tysnes kommune!

Tysnes er ein god stad å bu for barn og vaksne! Me har flotte naturområde, fjell og fjord, og alt dette berre ein times biltur frå Bergen! 

Me har ledige faste stillingar og årsvikariat for skuleåret 23/24.

Tysnesskulane treng fleire engasjerte grunnskulelærarar og lærar i vaksenopplæringa. Me treng deg som brenn for god undervisning og motiverer elevane for læring og medverknad! 

Tysnes har tre grunnskular og vaksenopplæring:
Onarheim skule 1-7. trinn
Uggdal skule 1-4. trinn
Tysnes skule 5.-10. trinn
Tysnes vaksenopplæring

Me ber deg skriva i søknaden kva trinn, fag og evt. skule du helst ønskjer å arbeida på.

Skulane har som mål å ha lærande og inkluderande fellesskap for alle elevar. Me arbeider for eit positivt elevsyn: "Barn er ikkje vanskelege, dei kan ha det vanskeleg". 

Me jobbar med implementering av LK 20, og bruker ulike verktøy/ prosjekt som er felles for alle skulane. Skulane har fått  Dekom.-midlar (desentralisert kompetanseutvikling) og jobbar med inkluderande læringsmiljø med vekt på verdiar med HVL som samarbeidspartnar. Kompetansløftet for spesialundervisning er og i fokus i samarbeid med fleire Sunnhordlandskommunar, PPT og HVL. Tysnes kommune er nett blitt ein BTI kommune (Betre tverrfagleg innsats), der me på tvers av tenestene vil bidra til å fanga opp og hjelpa barn og familiar med ulike utfordringar. Alle skulane i kommunen er sertifiserte Olweus skular, der godt læringsmiljø og førebyggjing av mobbing og utestenging er i fokus. 

Arbeidsoppgåver

• Planleggja og gjennomføra undervisning i tråd med LK20
  
• Vera ein tydeleg og aktiv klasseleiar
• Ha god fagkunnskap og kunne engasjera
• Skapa eit trygt, godt og inkluderende læringsmiljø for elevane med god klasseleiing
  
• Delta i og bidra til lærande fellesskap ved skulane
  
• Delta i tverrfagleg samarbeid
• Ha god kontakt med elevar og føresette
  

Kvalifikasjonar

Skulane treng ulike kvalifikasjonar, mellom anna desse:

• Godkjend lærarutdanning 1.-7. trinn og 5.-10. trinn iht. Opplæringslova
  
• Spesialpedagogikk i tillegg til grunnutdanning
• God kompetanse om læringsleiing, tilpassa opplæring og IOP
• Aktuelle fag: matematikk, engelsk, framandspråk, musikk, kunst og handverk og andrespråkspedagogikk. Andre fag kan også bli aktuelle
  
• God fag/metode/ relasjons- kompetanse
  
• Gode digitale ferdigheiter og kunnskap om pedagogisk bruk av IKT

Personlege eigenskapar

• Du er ein trygg, raus og tydeleg klasseleiar
  
• Du tek initiativ til nye arbeidsmåtar
  
• Du har fokus på elevane sine moglegheiter for læring
  
• Du er fleksibel, omstillingsdyktig og finn løysningar
• Du evnar å jobba sjølvstendig, men har og gode samarbeidsevner
  
• Du er strukturert og overheld tidsfristar
  
• Du kommuniserer godt med kollegaer, elevar, føresette og andre samarbeidspartnarar 
  
• Du tek ansvar og er profesjonell
  
• Du er positiv og bidreg til eit godt arbeidsmiljø 

Me tilbyr

• Løn etter gjeldande tariffavtalar og lokalt lønssystem
  
• Gode pensjons- og forsikringsordningar
  
• Ein interessant og utviklande jobb i eit godt og fagleg arbeidsmiljø
  
• Kontaktlærartillegg min. kr 24.500 pr år. Nyutdanna lærarar får rettleiing dei to første åra

 

Generell informasjon

• Utanlandske søkjarar må ha generell godkjenning frå Direktoratet for høgare utdanning og kompetanse for å få tilsetjing.
  
• Ved ny tilsetjing vert det stilt krav om politiattest, jfr. Opplæringslova § 10-9. Attesten skal ikkje vera eldre enn 3 månader og skal ikkje leverast med søknaden.
  
• I Tysnes kommune er det offisielle styringsmålet nynorsk. Alle tilsette pliktar å nytta nynorsk skriftspråk i tenesta, og me ber om at de skriv søknaden på nynorsk.

 

Mangfaldserklæring

Tysnes kommune ønskjer å spegle mangfaldet i befolkninga i rekrutteringa vår. Me oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å leggje til rette for inkluderande rekruttering. 

Kontaktinformasjon

Aud Kaldefoss, Kommunalsjef oppvekst, 93402321, aud.kaldefoss@tysnes.kommune.no

Arbeidsstad

Rådhuset
5685 UGGDAL

Nøkkelinformasjon:

Arbeidsgivar: Tysnes kommune

Referansenr.: 4631907054
Stillingsprosent: 100, 50%
Fast, Vikar
Søknadsfrist: 02.04.2023