ID 2002 Einingsleiar - Stord sjukeheim

Stord kommune er ei industrikommune i Hordaland med ca 19.000 innbyggjarar. Det er stor og variert aktivitet både i arbeidsliv og for fritid. Me har eit rikt kulturliv og det er gode vilkår for idretts- og friluftsliv. Her er flott natur med skog, sjø, vatn og fjell som ligg nær til for trivelege opplevingar og aktivitetar ute. Det er god kommunikasjon vidare til Haugesund, Stavanger og Bergen. Barnehagar og skuleverket har god kvalitet. Me har m.a. vidaregåande skular, allmenn- og førskulelærar-, sjukepleiar- og ingeniørutdanning. Stord sjukehus er lokalsjukehus for 50.000 innbyggjarar i regionen Sunnhordland.

Det er ledig fast 100% stilling som einingsleiar for Stord sjukeheim.

Stord sjukeheim har i dag 117 rom fordelt på 6 avdelingar. Stord sjukeheim tilbyr både langtidsplassar, korttidsplassar og avlastning til ulike pasientgrupper. Ved sjukeheimen arbeider me for å skapa tryggleik og trivsel i eit positivt miljø, for både pasientar og tilsette. Me har god fagdekning og eit godt arbeidsmiljø. Store delar av Stord sjukeheim held til i nytt eller totalrenovert bygg. Det er moderne fasilitetar og bygget er plassert sentralt på Leirvik.

Einingsleiar sine hovudoppgåver:

• Leiing og koordinering av den daglege drifta
• Dagleg ansvar og oppfølging av fag, personale og økonomi
• Fokus på fagleg og personleg utvikling av medarbeidarane
• Bidra aktivt i tverrfagleg innsats og samhandling og utvikling på tvers av avdelingar, tenesteområde og med ulike samarbeidspartnarar
• Vera oppdatert på lovverk innan fagområde
• Ordinære driftsoppgåver
• Sit i leiargruppa til kommunalsjef og skal bidra til å sjå heilskap innan sektoren og i heile kommunen
• Leiar har vide fullmakter innan vedtekne rammer og rapporterer til kommunalsjef

Me søkjer ein leiar som:

• Likar å jobba med endring og sjå resultat
• Er utviklingsorientert og god til å bygga gode relasjonar
• Evnar å ta fleire perspektiv i ei sak og tek operasjonelt leiarskap om naudsynt
• Motiverer kompetente medarbeidar gjennom å gje tillit, handlingsrom og stille krav
• Kommuniserer tydeleg, arbeider strukturert og sjølvstendig, set klare mål, tek avgjerd og føl opp
• Er open, raus, fleksibel, lojal, positiv og strukturert

Kvalifikasjonskrav:

• Søkjaren må ha relevant helsefagleg utdanning på minimum bachelornivå.
• Det er krav om leiarerfaring og ein fordel med leiarutdanning
• Det er ein fordel med kunnskap om og erfaring innan økonomistyring
• personleg eigenskapar vil bli vektlagt
• Den som vert tilsett må legga fram politiattest

Me kan tilby:

• Gode høve for personleg vekst og utvikling i arbeidet
• Medlemskap i Stord ve og vel med mellom anna høve til å leige leilegheiter i Røldal og Husøy
• Løns- og arbeidsvilkår vert i samsvar med kommunalt avtaleverk.
• Gode pensjons- og forsikringsordningar

Offentlig tenestepensjon i KLP - Kort fortalt

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.

Nærare opplysninga får ein ved å venda seg til Kommunalsjef Anne Karin Fossdal,