Nav fylkeskontor Vestland har det overordna ansvaret for gjennomføringa av arbeids- og velferdspolitikken i Vestland med styringsansvar for ni regionar og ei spesialeining. Fylkeskontoret er lokalisert i Bergen med 45 tilsette fordelt på fire avdelingar; avdeling HR og organisasjon, avdeling partnarskap og kommunikasjon, avdeling fag og tenester og avdeling økonomi og analyse.

No ser vi etter ein kunnskapsrik og fagleg sterk HR-jurist som kan støtte leiarane i Nav Vestland i juridiske problemstillingar, og bidra i formidling og opplæringsverksemd. I denne rolla får du moglegheita til å kombinere juridisk kunnskap med HR, og du vil også spele ei sentral rolle i utviklingsarbeidet mot dei ulike Nav-kontora i fylket.

Som HR-jurist vil du samarbeide tett og tverrfagleg med kollegaer på fylkeskontoret, og bli ein viktig del av vår HR- og organisasjonsavdeling. Avdelinga består av dyktige fagpersonar med brei kompetanse innan HR, HMT, leiarutvikling og innovasjon.

Vi kan love innhaldsrike og utviklande arbeidsdagar i ein organisasjon som aldri står stille!

Arbeidsoppgåver

• Juridisk støtte og rettleiing av leiarar i arbeidsrettslege problemstillingar
• Rettleiing og rådgiving i personalsaker og omstillingsprosessar 
• Støtte HR-teamet i medbestemming, tilsettingssaker, lønn og tariff, konflikthandtering og anna avtaleverk innan HR og personal
• Handtering av spørsmål innan personvern på HR-feltet
• Formidling og opplæringsverksemd innan HR sitt ansvarsområde
• Andre oppgåver innan HR og personal

Kvalifikasjonar

Du må ha:

• master i rettsvitskap eller juridisk embetseksamen. Ved utdanning frå utlandet må du leggje ved NOKUT-godkjenning.
• erfaring frå eller interesse for arbeidsrettslege problemstillingar
• god formuleringsevne på norsk, både munnleg og skriftleg

Det er ein fordel om du også har:

• kjennskap til endringsprosessar, personalsaker og omstillingsarbeid
• kjennskap til lov- og avtaleverk i staten
• interesse for HR-feltet og kan bidra utover juridiske problemstillingar
• gode digitale ferdigheiter
  

Nyutdanna er velkomne til å søke på stillinga.

Personlege eigenskapar

Vi ser etter deg som likar formidling og kunnskapsdeling, og som klarer å lære frå deg og formidle juridiske reglar på ein enkel måte. Stillinga har mange ulike kontaktpunkt, og det er derfor viktig at du kommuniserer godt og kan samarbeide på tvers av team og fagområde.

Noko av det som gjer stillinga spennande er variasjonen i arbeidsoppgåver, men det krev samtidig at du er løysingsorientert og klarer å veksle mellom operative og strategiske oppgåver. For å lukkast i stillinga er det også ein fordel at du er strukturert og trivst med sjølvstendig arbeid.

Vi tilbyr

• Ei spennande stilling i eit godt arbeidsmiljø prega av høg kompetanse og engasjerte medarbeidarar
• Store moglegheiter for fagleg og personleg utvikling
• Fleksibel arbeidstid, heimekontorordning og mogelegheit for trening i arbeidstida
• God pensjonsordning, låneordning og forsikringar gjennom Statens pensjonskasse
• Stillinga blir plassert i stillingskode 1434 rådgivar/1364 seniorrådgivar avhengig av erfaring og kvalifikasjonar. Lønsspennet er frå kr. 615 700 til 759 100 per år (tilsvarande ltr. 63 til 75). For særs kvalifiserte søkarar kan høgare lønn vurderast. 

Kontaktinformasjon

Rune Jacobsen, Fungerende avdelingsdirektør HR og organisasjon, 408 42 429, rune.jacobsen@nav.no

Arbeidsstad

C. Sundts gate 29
5004 Bergen

Nøkkelinformasjon:

Arbeidsgivar: NAV

Referansenr.: 4870873644
Stillingsprosent: 100%
Fast
Søknadsfrist: 10.11.2024