Universitetslektor i vernepleie

Om stillinga

Ved Nord universitet, Fakultet for sjukepleie og helsevitenskap, er det ledig fast stilling som universitetslektor i vernepleie.

Vernepleiarutdanninga kvalifiserer for arbeid innan helse-, omsorgs- og velferdstenester i eit livsløpsperspektiv, og har særleg fokus på at tenestemottakarar skal ha moglegheit til å leve sjølvstendige liv og delta aktivt i samfunnet. Stillinga inngår i eit tverrfagleg miljø ved fakultetet.

Kontorstad vil vere ved campus Bodø. Fagmiljøet ved Nord universitet er fordelt på fleire studiestader, og samarbeid mellom vitskapleg tilsette ved fakultetet uavhengig av geografisk plassering er viktig. Stillinga kan òg innebere arbeidsoppgåver ved andre studiestader ved Nord universitet.

Det er ønskjeleg at den som vert tilsett har ambisjonar om å kvalifisere seg til førstestilling.

Arbeidsoppgåver

Stillinga er primært knytt til undervisning og rettleiing på bachelornivå.
Det vert forutsett at den som vert tilsett bidreg til utviklinga av fagmiljøet ved fakultetet, saman med kollegaer.

Kvalifikasjonskrav 

• Profesjonsutdanning som vernepleiar og mastergrad innan relevant fagområde, eller tilsvarande utdanning på masternivå.
• Dokumenterte grunnleggande ferdigheiter innan planlegging, gjennomføring, evaluering og utvikling av undervisning og rettleiing. Nord universitet har eigne reglar for utdanningsfagleg kompetanse – sjå meir informasjon på universitetet sine nettsider.
  Søkjarar som ved tilsetjing ikkje kan dokumentere relevant praktisk-pedagogisk kompetanse, må skaffe seg denne innan to år. Nord universitet tilbyr eit emne i universitetspedagogikk som dekkjer dette kravet.
• God munnleg og skriftleg framstillingsevne i norsk, nivå B2 (eventuelt skandinavisk språk).

Ved vurdering og rangering av kvalifiserte søkjarar vil det bli lagt vekt på

• Relevant yrkespraksis frå det vernepleiefaglege arbeidsfeltet
• Erfaring med undervisning og rettleiing på bachelor- og masternivå frå universitets- og høgskulesektoren
• Erfaring med digital undervisning og rettleiing vert vurdert som ein styrke
• Deltaking i forskings- og utviklingsarbeid innan fagfeltet
• Relevante publikasjonar
• Erfaring med nasjonale og internasjonale nettverk innan fagutvikling, utdanning og forsking
• God evne til å kommunisere og samarbeide med studentar og kollegaer
• Personlege eigenskapar som kan bidra positivt til arbeidsmiljøet

Vi tilbyr

Stillinga blir løna etter Statens regulativ, kode 1009 universitetslektor. Løn etter avtale. 
Frå løna går lovfesta innskot til Statens pensjonskasse.

• God låne-, forsikrings- og pensjonsordning i Statens pensjonskasse
• Kreativt og kollegialt arbeidsmiljø
• Ein arbeidsplass i stadig utvikling
• Fleksibel arbeidstid
• Aktivt bedriftsidrettslag
• Vekentleg trimtime i arbeidstida
• Flotte naturopplevingar i nærleiken av kontorstad

Generell informasjon

Den som blir tilsett, må rette seg etter dei lover, avtalar og instruksar som til ei kvar tid gjeld for stillinga. Det blir teke atterhald om endring i ansvar og arbeidsområde som følgje av framtidig organisasjonsutvikling og omorganisering ved Nord universitet.

Den statlege arbeidsstyrken skal i størst mogleg grad spegle mangfaldet i befolkninga. Nord universitet oppmodar derfor kvalifiserte kandidatar med nedsett funksjonsevne, hol i CV, innvandrarbakgrunn og elles ulik livserfaring til å søkje.

Opplysningar om nedsett funksjonsevne eller hol i CV kan bli brukte til anonymisert registrering.

Kontakt

Nærare opplysingar om stillinga får ein ved å ta kontakt med:

Søknadsprosessen

Søkjarar vil bli vurderte av ein sakkunnig vurderingskomite. Aktuelle kandidatar vil bli kalla inn til intervju og evt. prøveførelesing.

Søknad

• Søknadsbrev
• Fullstendig CV
• Kopi av vitnemål og attestar
• Utdanningsfagleg CV og refleksjonsnotat i tråd med utfyllande reglar for utdanningsfagleg kompetanse
• Dokumentasjon på anna aktivitet som vert vurdert som relevant for stillinga, og som ein ønskjer skal takast med i vurderinga, inkludert kopiar av publikasjonar
• Kontaktinformasjon til 2-3 referansepersonar

Etter at søknadsfristen er gått ut blir det utarbeidd ei offentleg søkjarliste. Vi gjer merksam på at opplysingar om søkjaren kan offentleggjerast sjølv etter ønskje om å bli utelaten frå søkjarlista. Søkjarar som likevel bed om konfidensialitet, skal grunngje dette særskilt i søknaden. Søkjarane vil i så fall bli varsla på førehand om offentleggjering.