Avdelingsleiar 2 x 100 %

Vi søker deg som vil vere med på å legge til rette for eit trygt og utviklande læringsmiljø for alle elevane ved Ørskog skule. Vi har ledig 2 x 100 % fast stilling som avdelingsleiar, og søker deg som er positiv og engasjert i skule. Du vil inngå i eit leiarteam på 6 personar; rektor, assisterande rektor, SFO-leiar og 3 avdelingsleiarar.

Ørskog skule stod ny i 2018, og har gode fasilitetar til å drive ei moderne og tilpassa undervisning. Vi er ein 1.-10. trinn skule og har inneverande skuleår 260 elevar. Skule og SFO er godt organisert, og nyttar skulelokala og uteområda på ein kreativ og inspirerande måte.

Skulen sitt uteområde er stort og variert. Idrettsanlegg, stall, sjø, elv, skog og fjell utgjer samla vårt uteklasserom, som kan nyttast i opplæringa .
Elevar har gjennom valfag bygd færingar som vi har i eige naust, og vi har oppretta Fjordbasen med båt og utstyr til å kunne drive fiske. Dette gir oss gode moglegheiter til varierte og praktiske læringsarenaer.
Vi har eit dyktig og engasjert kollegium som samarbeider i team for å skape eit trygt og godt læringsmiljø for elevane. Fagleg inkludering og ei praktisk tilnærming i opplæringa er ein del av skulen sitt pedagogiske utviklingsarbeid inneverande skuleår.

Arbeidsoppgåver

• Organisere skulen sitt arbeid etter læreplan og gjeldande avtaleverk.
  Dette innebærer blant anna oppfølging av team; årsplan, timeplan, organisering av drift ved fråvær, oppfølging av tilsette og medarbeidarsamtalar.
• Støtte og rettleie dei tilsette i det pedagogiske arbeidet.
• Oppfølging av elevane si læring og trivsel.
• Følge opp elevar i samarbeid med team, kontaktlærar, foreldre, og i samarbeid med andre aktørar som PPT, BUP, Barnevern og skulehelsesjukepleiar.
• Administrasjon av individuelt tilrettelagt undervisning.
• Vere med å leie og bidra i organisasjonsutvikling og pedagogisk utviklingsarbeid.

Kvalifikasjonar

• Godkjent pedagogisk utdanning.
• Leiarerfaring frå skule som f. eks. teamleiar og avdelingsleiar.
• Tilleggsutdanning i skuleleiing er ønskeleg.
• God digital kunnskap og praksis. Gjerne erfaring med IST, itslearning og timeplanleggingsprogram.
• Undervisningskompetanse på småskule, mellomsteg eller ungdomssteg.
• Ønskeleg med rettleiarerfaring.
• Tilleggsutdanning innan spesialpedagogikk/sosialpedogikk er ønskeleg.

Personlege eigenskapar

• Utstråler glede i arbeidet til det beste for barn og unge.
• Evner å bygge tillit og gode relasjonar.
• Er tydeleg og strukturert.
• Tar initiativ og har evne til å vere innovativ.
• Har stort engasjement for å kommunisere, involvere og gjennomføre
• Har god systemforståing.
• Er opptatt av organisasjons- og profesjonsutvikling.

Vi tilbyr

• Ei spennande leiarstilling i eit fagleg sterkt profesjonsfellesskap.
• Reelt leiaransvar for dyktige medarbeidarar.
• Muligheit til å vekse og utvikle seg i profesjonelle læringsfellesskap.
• Ny og tilrettelagt skule med eit fantastisk nærområde, som gir muligheit for variert og tilrettelagt undervisning.

Kontaktinformasjon

Kjell-Øyvind Aarseth, Rektor, 995 35 393

Arbeidsstad

Ryssebøvegen 2
6240 Ørskog

Nøkkelinformasjon:

Arbeidsgivar: Ålesund kommune

Referansenr.: 4969197307
Stillingsprosent: 100%
Fast
Søknadsfrist: 01.06.2025