ID 2233 Vernepleiar - Eining for habilitering

Har du lyst på nye utfordringar og arbeide med barn / unge med særskilde behov?

Sævarhagen avlasting og barnebustad gir tilbod til barn og unge med funksjonsnedsettingar. Brukarane mottek tenester etter individuelle vedtak heimla i Helse- og omsorgstenestelova. Som vernepleiar i avdelinga vil du få ansvar for å følgja opp brukarane, og samstundes væra med på utvikla avdelinga saman med dyktige kollegaer. Eining for habilitering nyttar positiv atferdststøtte (PAS) som metodisk rammeverk og verdigrunnlag i all tenesteyting.

Me søkjer deg som kan jobba sjølvstendig og i team, har arbeidsglede og gode samarbeidsevner. Du likar utfordringar og har evne til å vera løysingsorientert. Du er fagleg trygg og kan ta ansvar i avdelinga. Du har godt humør, trivest saman med barn og unge, og er omsorgsfull, fleksibel, og strukturert.

Det er ledig fast 100 % stilling som vernepleiar i Sævarhagen avlasting og barnebustad frå 01.10.2024. Stillinga har turnus med dag/kveld, langvakter og arbeid kvar 4. helg.

Arbeids- og ansvarsområde er mellom anna:

• Fagleg ansvar i avdelinga

• Gi omsorg, skapa tryggleik og livskvalitet

• Legga til rette for aktivitet, trivsel og mestring

• Observasjon og kartlegging av funksjonsnivå, laga mål og tiltak, samt evaluere mål og tiltak

• Utføra helse- og omsorgsoppgåver etter fagleg standard

• Yta tenester av god kvalitet etter gjeldande lovverk

• Ansvar for legemiddelhandtering og opplæring

• Ansvar for opplæring og rettleiing i høve diagnosar, og tilretteleggja miljøarbeid

• Rettleia anna personale i faglege og etiske spørsmål. Blant anna om tvang og makt etter Helse og omsorgstenestelova kap. 9 og Lov om pasient- og brukarrettigheter, kap.4A.

• Førebyggja og identifisere bruk av tvang og makt i miljøarbeidet

• Samarbeida og dela kompetanse på tvers av avdelingane

• Motivera og rettleia studentar, lærlingar og nye tilsette

• Sørgja for presis og utfyllande dokumentasjon, og rettleia anna personale i høve dokumentasjon

• Halda deg fagleg oppdatert, og oppdatert på gjeldande lovverk og avtalar

Kvalifikasjonskrav:

• Autorisert vernepleiar

• God norsk framstillingsevne både munnleg og skriftleg

• Erfaring med barn, unge innan autismespekteret er ein fordel

• Førarkort klasse B

• Ved tilsetjing vert det stilt krav om at ein legg fram politiattest av nyare dato

Me kan tilby:

• Varierte arbeidsoppgåver i eit tverrfagleg fagmiljø

• Godt arbeidsmiljø

• Stord ve og vel med moglegheit for leige av leilegheiter i Røldal, Husøy med båt, trimrom og utleige av tilhengar mm.

• Løns- og arbeidsvilkår i samsvar med kommunalt avtaleverk

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Kontaktperson: Einingsleiar Esther Aasen Bjelland, tlf 97552097