Helsefagarbeidar i heimebaserte tenester - faste stillingar

Meir om kommunen og stillinga

Sjå brosjyra vår: https://www.visbrosjyre.no/Aurland_kommune/MailView/ og rekrutteringsfilm:

https://youtu.be/aFXLAnqaUbI

Kvifor arbeide i Aurland kommune? Me ligg sentralt med kort veg til både Sogndal, Førde, Voss og Bergen. Det er lett å kome seg til Oslo både med buss, tog og fly. Kommunen har gode tenestetilbod både for små og store, me har flotte alternativ innanfor idrett og kultur. Du kan boltre deg i symjehallen, vere med i kor, i musikkskulen har dei tilbod til dei aller minste og for den som er litt større er det mellom anna gitar, trommel, bass og biletkunst med meir. Kommunen har ein flott idrettshall der ein kan drive med klatring, fotball, handball, friidrett med meir. Aurland er ei naturperle med høge fjell og djupe fjordar med flotte turar og merka toppturar. Om vinteren er det kort veg til Myrkdalen, Gol og Hemsedal om du vil gå eller stå på ski. Vil du nyte god mat, har vi restaurant, kafe, bryggeri, og bakeri.

Me har ledig

1 x 100% stilling i heimebaserte tenester

1 x 100% stilling fordelt på 80% i heimebaserte tenester og helgar ca 20 % på Helsetunet.

Arbeidsoppgåver

• førebyggande og rehabiliterande helsearbeid
• yte nødvendig helsehjelp, tilrettelegging og stell
• tverrfagleg samarbeid der brukar har samansette utførdringar/problem
• primærkontakt og koordinere oppgåver knytt til brukar
• jobbar med velferdsteknologi/ kvardagsrehabilitering
• oppgåver delegert frå avdelingsleiar
• samarbeide med sjukepleiar og helsefagarbeidar i utføring av pleieoppgåver
• dokumentasjon i fagsystem etter gjeldande lovverk

Kvifor søke jobb hjå oss

Me har eit godt og inkluderande arbeidsmiljø, me er opptatt av fagleg utvikling og det vert gitt høve til kompetanseheving i form av kurs og opplæring.

Me har stort fokus på kvardagsrehabilitering og velferdsteknologi, du vil få høve til å påverka morgondagensomsorg.

Me nytta også digitale verktøy i oppfølgingsarbeid. Basen vår er sentrumsnært rett ved fjorden.

Det er kort veg til omsorgsleilegheiter, og me nyttar arbeidsbil i arbeidstida.

Kvalifikasjonar

• du må ha autorisasjon som helsefagarbeidar
• du må kunne dokumentere gode kunnskapar i norsk, både munnleg og skriftleg
• evne til å jobbe sjølvstendig, reflektere, vere fleksibel og ha gode samarbeidsevner
• det vert lagt vekt på at ein kontaktar brukar med respekt og vere lydhøyr overfor brukar sine ynskjer og behov
• ha IKT kunnskap
• må ha førarkort

Søkjarar utan fagbrev kan tilsetjast på vilkår om å fullføre slik utdanning innan eitt år.

Me søker deg som

er motivert til å jobbe innan heimebaserte tenester, er lærevillig, set brukaren i fokus, er strukturert og målretta.

Me arbeider både i team og sjølvstendig, det er viktig at du har gode kommunikasjonsevner og er ansvarsbevisst.

I løpet av ein arbeidsdag møter du mange ulike utfordringar, du bør vere løysingsorientert, og kunne iverksette, følgje opp og avslutte oppgåver.

Me legg vekt på personlege eigenskapar.

Me tilbyr

• bli ein del av ein triveleg arbeidsplass der arbeidsmiljø står i sentrum.
• ei utfordrande stilling med moglegheit for utvikling og fagleg påverknad.
• gratis inngang til treningsrom og symjebasseng i Aurlandshallen.
• hjelp til å skaffe bustad
• hjelp til å skaffe barnehageplass
• hjelp til å skaffe arbeid til partnar

Løns- og tilsetjingsvilkår

Tilsetting, løn og arbeidsvilkår er i samsvar med gjeldande lovverk, reglement og tariffavtale.

Gode pensjons- og forsikringsordningar.

Aurland kommune har i 2023 teke avgjerd om at tilsette i tunus skal få auka minstesatsen for laurdags- og søndagstillegg frå kr. 70,- per time til kr 80,- per time.

Tredelt turnus med arbeid kvar 3. helg.

Det blir stilt krav om ny politiattest jf. helsepersonellova.

Krav til språkkunnskap

Du må kommunisere godt på norsk både munnleg og skriftleg. Aurland kommune nyttar nynorsk som målform.