Gaskaboddosaš ráđđeaddi-/vuosttaškonsuleanta-virgi

Bargoviidodat virggis

*Plánet ja ordnet hárjehallanáigodagaid mánáidgárdeoahpaheaddji- ja vuođđoskuvlaoahpaheaddjestudeanttaide ovttasráđiid fágasurggiin, hárjehallanbáikkiiguin ja studeanttaiguin.
*Ovddidit práksisa kvalitehtavuogádagaid nationála njuolggadusaid ja rámmaplánaid vuođul.
*Nannet oahpuin ollisvuođa ja oktavuođa teoriija ja práksisa gaskkas
*Čuovvolit šiehtadusaid ja ovttasbarggu hárjehallamamánáidgárddiiguin,
hárjehallanskuvllaiguin, verddemánáidgárddiiguin, verddeskuvllaiguin ja suohkaniiguin.

*Doarjut fágaoahpaheddjiid ja hárjehallanoahpaheddjiid láhčimis studeanttaide bagaduvvon,
máŋggabealat ja árvvoštallojuvvon práksisa.
*Veahkehit nannet searvevuođa oahpaheaddjeoahpuid, hárjehallanmánáidgárddiid ja hárjehallanskuvllaid gaskkas.
*Čuovvolit ovttasbarggu verddemánáidgárddis ja verddeskuvllas
*Eará barggut maid lagamus hoavda addá.

Virggi sajádat organisašuvnnas ja bargoviidodat sáhttá rievdat organisašuvdnanuppástuhttimiid geažil.

Gelbbolašvuođagáibádusat

-Alit oahppu, unnimusat relevánta bachelorgráda
-Buorre njálmmálaš ja čálalaš gelbbolašvuohta davvisámegielas ja unnimusat ovtta skandinávalaš gielas, ja hálddašit eŋgelasgiela.
-Hálddahuslaš bargohárjáneapmi
-Digitála gelbbolašvuohta ja vásáhusat kvalitehtavuogádagain.

Persovnnalaš iešvuođat

* Struktuvra barggus ja návccat ráhkadit geahčestaga ja einnostahttivuođa

* Buorit ovttasbargo- ja gulahallanattáldagat ja dáidu hukset oktavuođaid máŋgga dásis ja valjit oassálastiiguin

* Máhttu čoavdit ja ovdánahttit bargguid

Bálká

Virgi bálkáhuvvo Stáhta bálkáregulatiivva mielde.. Bálká mearriduvvo ohcci oahpu ja bargohárjáneami vuođul čuovvovaš virgekodaid mielde: 

- virgekoda 1434 Ráđđeaddi, bálká gaskal 565000-700000 dehe

 - virgekoda 1408 Vuosttaškonsuleanta, bálká gaskal 483800- 620000.

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.

Bálkkás gesso 2% geatnegahtton divat Stáda penšuvdnakássii.

Mii fállat

*Miellagiddevaš virggi mii veahkeha ovddidit sámi oahpaheaddjeoahpuid

*Lávga ovttasbarggu fágabirrasiiguin, práksissurggiiguin ja studeanttaiguin

*Virggi mas ovdánahttinvejolašvuođat, viiddis ja máŋggabealat fágabirrasis 

* Ođđaáigásaš visttiid 

*Máŋggabealat čálgofálaldagaid 

*Heivehahtti bargoáiggi

* Buori bargobirrasa mas alla gelbbolaš bargit iešguđetge fágasurggiin 

* Ealli sámegielbirrasa guovddáš sámi guovllus 

Ohcan

Ohcan oktan CV:in ja dokumentašuvnnaiguin sáddejuvvojit elektrovnnalaččat www.jobbnorge.no bokte. 

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget: 75 54 22 20. 

 

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. 

Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. 

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. 

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain. 

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris. 

Fárrendoarjja máksojuvvo stáhta njuolggadusaid mielde. 

Finnmárkkus lea sierra ortnet geahpedit lohkanloana ja vearrogeahpádus. Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii. 

Oktavuođadieđut

Eanet dieđuid virggi birra oažžu goahtejođiheaddjis John-Marcus Kuhmunen, tlf. +4790402470, e-boasta: johnmk@samas.no.