IT-sjef - st. nr. 25/2025

Om stillinga

Høgskulen i Volda har ledig 100% fast stilling som IT-sjef. IT-sjef er leiar for eininga som har ansvar for brukarstøtte og drift av høgskulen sine sentrale IT-tekniske løysningar. Eininga består av 16 dedikerte medarbeidarar. IT-sjef rapporterer til høgskuledirektør og inngår i høgskuledirektør si leiargruppe.

Kvalifikasjonar

Vi søkjer ein kandidat med omfattande og relevant leiarerfaring innan teknologi og IT, samt solid innsikt i heile IT-verdikjeda, inkludert rådgjeving/fagleg rettleiing, arkitektur, utvikling, drift, datatryggleik, skytransformasjon, leverandørstyring og innkjøp. 

Den ideelle kandidaten har erfaring med å utvikle, leie og iverksette IT-strategiar for større og/eller kompliserte verksemder og har erfaring frå styring av IT-prosjekt og ulike porteføljar. Vidare er det viktig med erfaring i å utvikle medarbeidarar gjennom involvering og kompetansebygging. 

Søkjar må ha høgre utdanning på masternivå innan relevant fagområde. Særleg relevant realkompetanse kan i særskilde tilfelle kompensere for kravet til utdanning.

Arbeidsoppgåver

IT-sjef har eit breitt teknisk ansvarsområde og deltek i både administrativ og fagleg utvikling. Det blir forventa at alle leiarar ved høgskulen bidreg både strategisk og operasjonelt.

Sentrale arbeidsoppgåver:

• utarbeide IT-strategi som støttar verksemda sine overordna mål og samfunnsoppdrag
• sørgje for at alle IT-system fungerer som dei skal
• leie prosjekt for nye løysingar og systemoppgraderingar
• ivareta datasikkerheit og sikre at alle krav vert følgde
• styre IT-budsjett og ressursbruk
• leie og utvikle IT-team
• samarbeide med andre om teknologiske løysingar
• leverandør- og kontraktsoppfølging

Søkjaren bør kunne kommunisere godt, vere fleksibel og samarbeide godt med andre, i tillegg til å vere kreativ, løysingsorientert og opptatt av å yte sørvis. Ein må kunne arbeide både sjølvstendig og i team. Ved vurdering av søkjarane vil dei personlege eigenskapane bli vektlagt.

Det vil vere ein fordel med kjennskap til universitets- eller høgskulesektoren. Vi legg vekt på gode norsk- og engelskkunnskapar, både munnleg og skriftleg.

Vi tilbyr

Vi kan tilby eit hektisk og spanande arbeidsmiljø med stor breidde, høve til fagleg og personleg utvikling og gode pensjonsordningar.

Stillinga er løna etter kompetanse og kvalifikasjonar i statens lønsregulativ stillingskode 1088 Sjefingeniør frå kr. 850 000 -  kr. 1 000 000. 

For særskilde kvalifiserte søkjarar kan det verte aktuelt å vurdere høgare løn.

Generell informasjon

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Om søknaden

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Kontakt

Spørsmål kan rettast til høgskuledirektør Oddrun Rangsæter, tlf. 93 67 89 02 eller til avtroppande IT-sjef Stig Flåskjer, tlf. 90 82 61 98.

Studiebygda Volda

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no

 

. Video: https://www.youtube.com/watch?v=wSlL1WkuUXc