Divisjonsleiar System og informasjonsforvalting

Vil du leie arbeidet med digitale løysingar som held spesialisthelsetenesta i gang – kvar dag?

Helse Vest IKT jobbar for tida med ei større omorganisering av selskapet. Divisjonen er sentral i denne endringa. Tilpassing og endringar i divisjonen sine oppgåver- og/eller organiseringa av desse, må derfor påreknast.

Stillinga som divisjonsleiar system og informasjonsforvalting er ei nyoppretta leiarstilling. Det ligg til stillinga å greie ut og planleggje vidare organisering internt i divisjonen, i samarbeid med AD, stabar og andre divisjonar. Divisjonen er sentral i denne endringa.  

Helse Vest IKT har innført 13 ITIL-praksisar for å sikre leveransar av stabile og effektive IT-tenester.

Stillinga inneber eit heilskapleg leiaransvar for å skape gode leveransar og resultat internt i divisjonen, i tett samarbeid med andre divisjonar og eksterne samarbeidspartnarar. Stillinga rapporterer til AD og inngår i toppleiargruppa.


Kva går jobben ut på?

Stillinga som divisjonsleiar system og informasjonsforvalting har ansvar for forvalting og vidareutvikling av dei digitale systema sjukehusa bruker i det daglege arbeidet sitt, og dessutan å bidra til verdiskaping og innsikt gjennom betre bruk av data. Dette gjeld både for dei lovpålagde oppgåvene til sjukehusa (pasientbehandling, forsking, utdanning av helsepersonell og opplæring av pasientar og pårørande), administrasjon og støttefunksjonar.

Divisjonen bidreg med leveransar og tenester til områda i den regionale Digitaliseringsstrukturen og samarbeider tett med brukarane for å sikre framtidsretta løysingar som støttar opp under behova deira.

Kva ser vi etter hos deg?
Vi søkjer ein strategisk og framtidsretta leiar, som har erfaring med å omsetje teknologi til verdi, innsikt og betre tenester – både i pasientbehandling, forsking, utdanning og administrasjon. Du må ha høgare utdanning og leiarerfaring frå komplekse organisasjonar. Du har god erfaring med sikker forvalting av systemporteføljen og vidareutvikling av tenestetilbodet i samarbeid med kundar, leverandørar og andre samarbeidspartnarar. Det er ein fordel om du har kjennskap til ITIL rammeverket.Du er trygg og samlande i leiarrolla, med gode samarbeids- og kommunikasjonsevner. Vi føreset sterk gjennomføringsevne, med god involvering og evne til å justere kursen når det er nødvendig. Du evnar å leie- og arbeide konstruktivt under press, òg når du møter motgang.


Kvifor velje oss?

• Ei nøkkelrolle i toppleiargruppa i eit stort IKT-selskap
• Eit viktig samfunnsoppdrag – og moglegheita til å gjere ein reell forskjell
• Ei utfordrande stilling i ein organisasjon i endring og utvikling
• Moglegheit til å påverke og vidareutvikle divisjonen, tenesteporteføljen og teknologi som eit strategisk verkemiddel innan helse
• Eit tverrfagleg- og kompetent arbeidsmiljø
• Gode forsikrings- og pensjonsordningar
• Fleksibel arbeidstid
• Lønn etter avtale

 

Arbeidsstad: Helse Vest IKT har lokale i Bergen, Haugesund, Førde og Stavanger.

For meir informasjon om stillinga, kan du ta uforpliktande og konfidensiell kontakt med rådgivarane våre i Habberstad, Hans Petter Karlsen, tlf. 93425743 eller Bjarne Gundersen, tlf. 91827968.

Fram til utløpet av søknadsfristen vil søknader og førespurnader behandlast konfidensielt, om ønskjeleg også overfor oppdragsgivar. Du kan be om å ikkje bli oppført på den offentlege søkjarlista. Dette må i så fall grunngivast. Me kontaktar deg dersom ønsket ditt ikkje blir teke til følgje.

Me ser fram til å høyra frå deg!