Fágaráđđeaddi

Bargoviidodat virggis

Virgái gullevaš barggut leat diehtojuohkin- ja gaskkustanbarggut pedagogalaš dárbbuid váste,
Sámi Lohkanguovddáža prošeavttaid olis, ee.:
• Filbmabuvttadeapmi ja eará filbmafágalaš barggut čadnon Lohkanguovddáža prošeavttaide
• Ovddasvástidit Lohkanguovddáža gulahallanstrategiija ja diehtojuohkin- ja gaskkustandoaimmaid systematiserema, čađaheami ja čuovvoleami
• Ovddasvástidit neahttasiidduid ja sosiála mediakanálaid fuolaheami.

• Searvat Lohkanguovddáža eará bargguin ja prošeavttain dárbbu mielde
• Hálddahuslaš barggut mat čatnasit Lohkanguovddáža prošeavttaide dárbbu mielde
• Eará doaimmat maid lagamus hoavda bidjá.
• Virggi sajádat organisašuvnnas ja bargoviidodat sáhttá rievdat ásahusa dárbbuid mielde.

Gelbbolašvuođagáibádusat

Sus, gii virgáibiddjo ferte leat:
• Filbmafágalaš gelbbolašvuohta unnimustá bacheloroahpu dásis
• Filbmafágalaš bargohárjáneapmi, sihke filbmema ovdabarggus, filbmemis, redigeremis ja tekstemis
• Oahppu, máhttu ja hárjáneapmi systemáhtalaččat bargat diehtojuohkimiin ja gaskkustemiin, earenoamážit sosiála mediain ja neahttasiidduin
• Hárjáneapmi guhkitáigge bargguid plánet, čuovvolahttit ja kvalitehtasihkkarastit

• Formálalaš oahppu davvisámegielas
Son guhte virgáibiddjo ferte
- hálddašit sámegiela bures sihke čálalaččat ja njálmmálaččat bures bargat iešheanalis, ja bures maid gulahallat ja ovttasbargat earáiguin bargat mearrediđolaččat, struktuvrralaččat ja ovdánahttindiđolaččat

Bargosadji lea Sámi Lohkanguovddážis, Guovdageainnus

Bálká

Virgi bálkáhuvvo Stáda bálkáplána 90.500, virgekoda 1434 Ráđđeaddi. Ohcci geas lea earenoamáš gelbbolašvuohta, sáhttá biddjot virgekoda 1364 seniorráđđeaddi.

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.

Bálkkás gesso 2% geatnegahtton divat Stáda penšuvdnakássii.

Mii fállat

*Virggi mas ovdánahttinvejolašvuođat, viiddis ja máŋggabealat fágabirrasis 

* Ođđaáigásaš visttiid 

*Máŋggabealat čálgofálaldagaid 

*Heivehahtti bargoáiggi

* Buori bargobirrasa mas alla gelbbolaš bargit iešguđetge fágasurggiin 

* Ealli sámegielbirrasa guovddáš sámi guovllus 

Ohcan

Dákko čálát mii galgá mielddusin ohcamii. 

Ohcan oktan CV:in ja dokumentašuvnnaiguin sáddejuvvojit elektrovnnalaččat www.jobbnorge.no bokte. 

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget: 75 54 22 20. 

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. 

Jus leat gelbbolaš ohccit geain lea doaibmahettehus, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. 

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. 

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain. 

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris. 

Fárrendoarjja máksojuvvo stáhta njuolggadusaid mielde. 

Finnmárkkus lea sierra ortnet geahpedit lohkanloana ja vearrogeahpádus. Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii. 

Virggis lea 6 mánu geahččalanáigi.

Oktavuođadieđut

Eanet dieđuid virggi birra oažžu sadjásaš ossodatjođiheaddjis Marit Breie Henriksen, epoasta: maritbh@samas.no, tlf. +47 78 44 84 97