Rådgjevar/seniorrådgjevar – justis og byggjesak

Om stillinga

Vi har ledig ei fast stilling som rådgjevar eller seniorrådgjevar i seksjonen justis og byggjesak, ved kontoret vårt på Leikanger.

Stillinga høyrer til kommunalavdelinga, med om lag 50 tilsette. Seksjon justis og byggesak har for tida 23 tilsette fordelt på kontora våre i Leikanger og Bergen. Vi søkjer fortrinnsvis etter jurist som har forvaltningserfaring innafor eitt eller fleire av saksfelta i seksjonen, t.d. plan- og bygningsrett, kommunalrett, rettshjelp eller ekteskapslova.

Statsforvaltaren har mange og spennande rettsområde og ei brei oppgåveportefølje. Seksjonen har ansvar for sakshandsaming, rettleiing om regelverk og tilsyn innanfor mange ulike rettsområde, som til dømes plan- og bygningsrett, kommunalrett, forvaltningsrett, rettshjelpslova, domstolslova, offentleglova og ekteskapslova. Sekretariat for samordning av statleg tilsyn ligg også til seksjonen.

Arbeidsoppgåver

Porteføljen vi tilbyr kan i noko grad tilpassast erfaringa di. Vi sakshandsamar både klagesaker og saker i første instans, og førebur saker til ulike klageinstansar. Vi gir skriftleg og munnleg rettleiing om regelverket til advokatar, privatpersonar og offentlege instansar. Vidare legg vi administrativt til rette for Regjeringsadvokaten i saker som går til domstolen.

Kvalifikasjonar

• Cand. Jur. / master i norsk rettsvitskap
• God munnleg og skriftleg framstillingsevne på både nynorsk og bokmål
• Det er ønskeleg med relevant erfaring frå forvaltninga eller bransje

Personlege eigenskapar

• Interessert i offentleg forvaltning
• Strukturert og sjølvstendig
• Positiv og fleksibel 
• Nysgjerrig og trygg i samhandling med andre

Som tilsett hos Statsforvaltaren får du

• interessante arbeidsoppgåver
• eit kompetent og tverrfagleg arbeidsmiljø
• ein arbeidsplass i utvikling
• medlemskap i Statens pensjonskasse med god pensjonsordning, gunstig bustadlån og forsikringsordning
• trening i arbeidstida
• delvis heimekontor 
• fleksibel arbeidstid
• løn i samsvar med vår lokale lønspolitikk

Vil du jobbe hos oss? | Statsforvaltaren i Vestland

Kontora våre i Leikanger og Førde ligg i kommunar som er omfatta av den nye ordninga for sletting av studiegjeld. Det vil seie at etter eitt år som yrkesaktiv kan du få sletta 25 000 kroner av studielånet ditt.

Vi ønskjer mangfald

Statsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid. 

Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.

Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. 

Vilkår

Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå HK-dir. 

Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga. 

Stillinga er lønna i stillingskode 1434 rådgjevar/1364 seniorrådgjevar, frå kr 610 000–770 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse.  For særskilt kvalifiserte søkjarar kan vi vurdere høgare lønn. 

Dei første seks månadane er prøvetid. Du kan lese meir om det i statens personalhandbok.

Tenestemålet til embetet er nynorsk.

Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.